چینی زبان ءِ روچ ءَ دنیا ءِ تہا زبانی  آنی شر رنگی ءَ را    جھان ءِ ارزشت ءَ را سہرا کنت،  ملک ءِ مستر ءِ کلوہ

اسلام آباد۔20اپریل  (اے پی پی): صدر آصف علی زرداری ءَ گوشت کہ چینی زبان ءِ روچ ءَ یک انچیں دگنیا ءِ تہ ءَ زبان ءِ سرپدی ءِ جھان ءِ ارزشت ءَ را پدر کنگ بیت کہ آ یک دومی ءَ گوں ترندی ءَ گوں ھمگرنچ اِنت۔ دو شمبے ءِ روچ ءَ صدر ءِ مملکت ءِ کارگس ءِ پریس ونگ ءَ چہ چینی زبان ءِ روچ ءِ موہ ءَ وتی کلوہ ءِ تہ ءَ صدر آصف علی زرداری ءَ گوشت کہ پاکستان ءَ چینی زبان ءِ وانگ ءِ واستہ دلگوشی ءِ تہ ءَ مدام گیشی بوتگ ھاسیں رنگ ءَ یونیورسٹی آنی تہ ءَ کہ اودا نوں باقاعدہ وانینگ ءِ پروگرام جوڑ کنگ بوتگ۔ کراچی یونیورسٹی ءُ پنجاب یونیورسٹی ءِ وڑیں ادارگ ءُ ہمے رنگ ءَ ’نیشنل یونیورسٹی آف ماڈرن لینگوئجز‘ (NUML) ءِ تہا نودربراں گریڈڈ ٹیچنگ، سرٹیفیکیشن کورس ءُ دود ءُ ربیدگ ءِ سرپدی ءِ موہ دیگ بوہگ ءَ انت۔ آئی ءَ گوشت کہ سندھ ءَ کراچی یونیورسٹی ءِ ’’کنفیوشش انسٹی ٹیوٹ‘‘ چینی زبان ءِ وانگ ءُ زانگ ءِ واستہ یک مزنیں مرکز ءِ رنگ ءَ کار کنگ ءَ اِنت کہ اودا دمگی ءُ چینی استاد آنی نگرانی ءَ منظم کورس ءُ تربیت دیگ بوھگ ءَ اِنت۔ ملک ءِ دگہ دمگاں ھمے وڑیں گامگیجاں پہ نودربر ءُ پیشہ وراں آسان کتگ کہ آ زبان ءِ عملی زانت ءُ زانشت ءِ دربرگ لوٹ اَنت۔ صدر ءِ مملکت ءَ گوشت کہ اے زبان ءِ دربرگ ءِ عمل ءَ سرکاری کارندہ آناں ھاسیں تربیت ھم ھوار اِنت کہ آھانی زمہ واری آنی تہ ءَ چینی شہری آں گوں رابطہ کنگ ھوار اِنت۔ اے وڑیں تربیت ءَ چہ باہمی رابطہ ءِ تہا گہتری کیت ءُ زمین ءِ سرا کار کنگ ءِ بندوبست گیشتر کارآمد بیت۔ بازیں ورناہانی واستہ چینی زبان ءِ وانگ نوں ایوک ءَ یک شوقے نہ اِنت بلکیں اے گوں وانگ ءُ زانگ، سوداگری ءُ تکنیکی کمک ءِ موہاں ہمگرنچ اِنت۔ اے یک عملی مہارتے ءِ دات کنت کہ چینی کمپنی، اسکالرشپ پروگرام ءُ جتا جتائیں شعبہ آں مشترکہ منصوبہ آں گوں تعلقات ءَ را مھکم کنگ ءَ کمک کت کنت۔ اے کار ءِ دیم ءَ روگ ءَ گوں سرجمیں دلگوش زبان ءِ وانگ ءُ زانگ ءَ را دسترس ءُ منظم کنگ ءِ نیمگ ءَ دیگ بہ بیت دانکہ اے راستیں لوٹاں پیلو بہ کنت ءُ دوئیں ملکانی نیام ءَ عملی کمک ءَ گیشتر مھکم بہ کنت۔