مزن وزیر شہباز شریف ءَ زالبولیں کانسٹیبل ملک ناز بلوچ ءِ شہید بوھگ ءَ را توسیپ ءُ ستا کتگ

اسلام آباد۔20اپریل  (اے پی پی): مزن وزیر محمد شہباز شریف ءَ خضدار ءَ بلوچستان پولیس ءِ زالبولیں کانسٹیبل ملک ناز بلوچ ءَ را ناشرکارانی ھلاپ ءَ جنگ ءِ وھد ءَ شہید کنگ ءِ پد ءَ  توسیپ ءُ ستا  پیش کتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید ءِ اگدہ برز کنگ ءُ کھول ءِ واستہ سگ ءُ اوپار ءِ دعا کتگ۔ مزن وزیر ئَ گوشت کہ ملک ناز بلوچ بلوچستان ئِ اولی پولیس کانسٹیبل بوتگ، آئی ئَ وتن ئِ رکھینگ ئِ واستہ بہادری ئِ مثال داتگ۔ آئی ءَ گوشت کہ دلیریں پولیس فورس ءِ سر ءَ من ءَ ہوار سرجمیں راج ءَ را پخر انت۔ مزن وزیر ءَ ناشرکاری ءِ راکشس ءِ ھلاپ ءَ جنگ ءَ را ھما وھد ءَ تاں ملک ءَ چہ سرجمی ءَ ھلاس کنگ ءِ وھد ءَ برجاہ دارگ ءِ جزم ءِ درشان کت۔