مزن وزیر شہباز شریف ءُ یورپی کونسل ءِ صدر ءَ دمگی ءُ جھان ءِ دائمی ایمنی ءِ ھاترا گپ ءُ تران ءُ سفارتکاری ءِ برجاہ دارگ ءِ ضلورت ءِ سر ءَ زور پر داتگ

اسلام آباد۔20اپریل  (اے پی پی): مزن وزیر محمد شہباز شریف ءُ یورپی کونسل ءِ صدر ءَ دمگی ءُ جھان ءِ دائمی ایمنی ءَ را دل یکیمی کنگ ءِ واستہ گپ ءُ تران ءُ سفارتکاری ءِ برجاہ دارگ ءِ ضلورت ءِ سر ءَ زور پر داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دو شمبے ءِ روچ ءَ مزن وزیر محمد شہباز شریف ءَ را یورپی کونسل ءِ صدر انتونیو کوسٹا ءِ نیمگ ءَ چہ ٹیلی فون اتکگ۔ دوئیں رہشون آں میاں اوستمانی تک ءِ استیں جاورحال ءِ سرا گپ ءُ تران کتگ۔ مزن وزیر ءَ یورپی کونسل ءِ صدر کوسٹا ءَ را پڑ ءَ امن ءِ برجائی ءِ واستہ پاکستان ءِ سفارتی کوشست آنی بابت ءَ سرپد کت۔ صدر کوسٹا ءَ خطہ ءَ گپ ءُ تران ءُ برجائی ءِ دیمروئی ءِ واستہ پاکستان ءِ جوڑیشت ءِ کرد ءَ را ساڑات ءُ گوشت کہ یورپی یونین اے عمل ءِ واستہ ہر وڑیں کمک ءِ واستہ تیار انت۔ دوئیں رہشوناں دمگی ءُ جہانی ایمنی ءِ برجم دارگ ءِ ھاتر ءَ گپ ءُ تران ءُ سفارتکاری ءِ برجاہ دارگ ءِ ضلورت ءِ سر ءَ زور پر دات۔ دوئیں رہشوناں اے درگت ءَ رابطہ برجم دارگ ءِ سرا ہم تپاک کتگ۔