وزارت آئی ٹی ءَ راجی تک ءَ اپ اسکیلنگ پروگرام ءِ بندات کتگ کہ آئی ءِ سرھال ’’اے آئی سیکھو 2026‘‘  اِنت

اسلام آباد۔20اپریل  (اے پی پی): حکومت ءِ  پاکستان ءَ اے آئی ءِ بنیات ءَ معیشت ءِ جوڑ کنگ ءِ واستہ عملی گامگیج چست کنگ ءَ انت۔ وزارت آئی ٹی ءَ راجی تک ءَ اپ اسکیلنگ پروگرام ءِ بندات کتگ کہ ایشی ءِ سرھال ” اے آئی سیکھو 2026‘‘  اِنت۔ تفصیلات ءِ رد ءَ گوگل، ٹیلی نار پاکستان ءُ انویسٹا ءِ کمک ءَ پریکٹیکل ٹریننگ پروگرام ءِ بندات کنگ بوتگ۔ اے پروگرام ءَ چہ بھر زوروکاں نیشنل انکیوبیشن سنٹر، پاکستان اسٹارٹ اپ فنڈ ءُ گلوبل پلیٹ فارمز ءَ گوں ہمگرنچ کنگ ءُ اقتصادی موہ پجاری کنگ بنت۔ آئی ٹی ءِ وفاقی وزیر شازہ فاطمہ خواجہ ءَ گوشت کہ حکومت ءَ ڈیجیٹل نیشن پاکستان ایکٹ ءِ آرگ ءَ چہ ڈیجیٹل ٹرانسفارمیشن ءِ واستہ سرجمیں روڈ میپ داتگ۔ پاکستان ءَ اولی نیشنل اے آئی پالیسی جوڑ کنگ بوتگ کہ ایشی ءِ تہ ءَ وت جوڑیشتی ھیل کاری ءَ را مرکزی ترجیح دیگ بوتگ۔ آئی ءَ گوشت کہ حکومت یک ملین ورنا آناں ھاسیں رنگ ءَ نان ٹیک مردم آناں اے آئی ءِ تربیت دیگ ءِ ٹارگٹ ءَ را سرجم کنگ ءَ اِنت۔ وزارت آئی ٹی ءَ اے آئی لرن پروگرام ءِ چیر دستی ءَ گوگل ءِ کمک ءَ یک لکھ ءَ چہ گیش ڈویلپر آناں اپ اسکیلنگ ءِ ٹارگٹ ایر کتگ۔ اے آئی لرن ءِ وسیلگ ءَ ورناہاں نوکیں اے آئی ٹولز، سرٹیفیکیشن ءُ عملی تربیت دیگ بوھگ ءَ اِنت۔