علامہ اقبال ءَ وتی شاعری ءُ فلسفہ ءِ وسیلگ ءَ آزاتیں وطن ءِ سسا  ءَ را پدر کتگ، چیئرمین سینیٹ

اسلام آباد۔20اپریل  (اے پی پی): سینیٹ ءِ چیئرمین سید یوسف رضا گیلانی ءَ وتی 88می بیرانی ءِ روچ ءِ درگت ءَ وتی ھاسیں کلوہ ءِ تہ ءَ مشرق ءِ شاعر، پاکستان ءِ مفکر ڈاکٹر علامہ محمد اقبال رضی اللہ تعالیٰ ءَ را توسیپ ءُ ستا  گپت۔ سینیٹ سیکرٹریٹ ءِ نیمگ ءَ چہ جاڑی بوتگیں بیان ءِ رد ءَ آئی ءَ وتی کلوہ ءِ تہ ءَ گوشت کہ ڈاکٹر علامہ محمد اقبال برصغیر ءِ مسلمان آنی واستہ یک غیر معمولی دانشوریں رہشونے بوتگ آئی ءَ وتی شاعری ءُ فلسفہ ءِ وسیلگ ءَ آجوئیں وطن ءِ تصور ءَ را برجم داشتگ ءُ راج ءَ را نوکیں جان ءِ ساہ داتگ۔ آئی ءِ وانینگ مرچی ھم مئے ھاترا رھشونی ءِ شرتریں وسیلہ اَنت۔ آئی ءَ ورنا آناں وت مستری ، وتگڑی ءُ مُدامی جہد ءِ سبق دات۔ چیئرمین سینیٹ ءَ گوشت کہ ڈاکٹر علامہ محمد اقبال ءِ فکر ءَ را وتی کنگ ءَ چہ ما وتی اندر ءَ جوانیں بدلی آرگ ءَ چہ راجی دیمروئی ءَ جوانیں کرد پیلو کت کناں۔ ڈاکٹر علامہ محمد اقبال ءِ پاکستان ءِ تصور ءِ بنیاد یک وشحالی ءُ انصاف ءِ چاگردے ءِ سرا بوتگ کہ اودا ہر فرد ءِ یک پیمیں حق ءُ قانون ءِ حاکمیت ءِ قیام بوتگ۔ مرچیگیں دور ءَ ڈاکٹر علامہ محمد اقبال ءِ فلسفہ ءِ سرپد بوہگ ءُ ایشی ءِ سرا عمل کنگ ناگزیر بوتگ۔ آئی ءَ گیش گوشت کہ پارلیمنٹ ءَ ھوار توامیں ریاستی ادارگ آنی ذمہ واری اِنت کہ آ ڈاکٹر علامہ محمد اقبال ءِ ھیال آناں ھیال ءَ دارگ ءَ وتی زمہ واری ءَ پیلو بہ کن اَنت۔ آئی ءَ گوشت کہ راجی یکجہتی، تپاکی ءُ دیمروئی ءِ واستہ ڈاکٹر علامہ محمد اقبال ءِ پکر ءَ چہ رہشونی لوٹگ وھد ءِ لوٹ انت۔ وتی کلوہ ءِ گڈسرا چیئرمین سینیٹ ءَ اے جزم ءِ درشان کت کہ مارا وتی انفرادی ءُ اجتماعی زندمان ءَ ڈاکٹر علامہ محمد اقبال ءِ فکر ءَ را عمل کنگ لوٹیت۔