صدر آصف علی زرداری بنوں ءَ سوبمندیں آپریشن ءِ پد ءَ سیکورٹی فورسز ءَ را  توسیپ ءُ ستا

اسلام آباد۔20اپریل  (اے پی پی):صدر آصف علی زرداری ءَ بنو ءَ انٹیلی جنس ءِ بنیات ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا    کتگ ءُ بھارت ءِ کمک ءَ چہ فتنہ الخوارج ءِ   ناشرکار آنی کوش ءَ را ساڑاتگ۔ دوشمبے ءِ روچ ءَ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ گوشت کہ خوارج سروک ءُ وت کُش تراک کار ءِ کوش سیکورٹی فورسز ءِ پیشہ وارانہ ءُ دلیری ءِ آدینک انت۔ صدر آصف علی زرداری ءَ گوشت کہ اے وھد ءَ کہ پاکستان دمگی ءُ جھان ءِ امن ءِ واستہ وتی سرجمیں تواناں ھرچ کنگ ءَ انت، مئے دژمن ناشرکاری ءِ وسیلگ ءَ اے کوشست آناں نزور کنگ لوٹ اَنت۔ صدر ءِ مملکت ءَ گوشت کہ ما امن ءُ اسلام ءِ ھلاپ ءَ اے پندل آناں ناکام کن ایں ۔ آئی ءَ گوشت کہ درائیں مداخلت آنی سبب ءَ ناشرکاری ءِ ھلاپ ءَ جنگ برجاہ مان ایت۔