دمگی ءُ سفارتی معاملہانی تہا پاکستان ءِ سوبمندی ءُ جہانی پجار ہر پاکستانی ءِ بہر ءَ اتکگ انت، سردار ایاز صادق

لاہور۔19اپریل  (اے پی پی): راجی اسمبلی ءِ اسپیکر سردار ایاز صادق ءَ گوشت کہ دمگی ءُ سفارتی کار آنی تہ ءَ پاکستان ءِ انوگیں سوبمندی ءُ آئی ءَ را رستگیں جھان ءِ پجار ایوک ءَ کجام ھم پارٹی ءُ ادارگ ءِ سر ءَ نہ اتکگ بلکیں ھمک پاکستانی ءِ بھر ءِ سر ءَ اتکگ۔ مسلم لیگ ن ءَ مدام ریاست، پاکستان ءُ راجی مفاد ءَ را اولی رنگ ءَ داتگ۔ چیف آف دفاعی فورسز فیلڈ مارشل سید عاصم منیر ءُ فوجی سروکی ءَ پاکستان ءَ استحکام، مہکم ءُ شرپ داتگ۔ اے ھیالانی درشانی آئی ءَ یک شمبے ءِ روچ ءَ لاہور ءَ الیکٹرک روڈ ءِ بنگیج ءِ مراگش ءَ گشتانک دیان ءَ کت۔ آئی ءَ گوشت کہ آ وتی سروک محمد نواز شریف، مزن وزیر محمد شہباز شریف، پنجاب ءِ سر وزیر مریم نواز شریف ءُ سینئر وزیر مریم اورنگزیب ءِ منت وار آں کہ آھانی سروکی ءَ آئی ءِ حلقہ ءَ دیمروئی منصوبگ آنی یک مزنیں نیٹ ورک ءِ ایر کنگ بوتگ ءُ السی جیڈھ آنی گیواری ءَ مزنیں پیشرفت بوتگ۔ قومی اسمبلی سیکرٹریٹ ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ من مدام ھمے مارشت ءَ گوں کار کتگ کہ اگاں من وتی حلقہ ءَ گہتری آرگ ءَ نہ بوت کناں گڑا من وت ءَ را احتساب کن آں ۔ اسپیکر راجی اسمبلی ءَ گوشت کہ 2015-16 ءَ این اے 120 دیمروئی ءِ اوج ءَ ات، اودا بجلی، سڑک، سیوریج ءُ ایندگر بنیاتی آسراتی جوانیں رنگ ءَ پجارینگ بوتگ ات، بلے پد ءَ دلگوشی ءِ نہ بوھگ ءِ سبب ءَ ایوک ءَ آئی ءِ حلقہ نہ بلکیں آئی ءِ کش ءُ گور ءِ دمگ ھم زیان بوتگ انت۔ ایشی ءِ برعکس استیں حکومت ءَ دیمروئی ءِ واستہ راجدپتر ءِ تہ ءَ گیشتریں فنڈز داتگ ءُ اے وھد ءَ آئی ءِ حلقہ ءَ نزیک ءَ 38ارب کلدار ءِ دیمروئی منصوبگ جاری انت۔ آئی ءَ گوشت کہ مرچی پنجاب ءَ دیمروئی ءِ رفتار مثالی انت ءُ تانکہ میتگ آنی تہ ءَ ھم صفائی، سڑک ءُ بنیاتی آسراتی آنی تہ ءَ مزنیں گہتری گندگ بوھگ ءَ انت۔ اگاں نیت راست بہ بیت، محنت مخلص کنگ بہ بیت ءُ اللہ تعالیٰ ءِ سرا توکل کنگ بہ بیت گڑا سوبمندی وتی راہ ءَ وت جوڑ کنت۔ قومی اسمبلی ءِ صدر ءَ گوشت کہ 2022ءِ سال پاکستان ءِ سیاسی ءُ معاشی راجدپتر ءِ یک موڑ ءِ بوتگ، وھد ءَ نوکیں ٹیم جوڑ کنگ بوتگ ءُ معیشت ءِ انتظامی کنگ بندات بوتگ۔ پی ڈی ایم ءِ سرکار ءَ ہوار بوھگ گرانیں پیسلہ ات، بلے مسلم لیگ ن ءَ درستیں چیلنج من اِت اَنت۔ اے دور ءَ نوکیں لشکر ءِ سروک گچین کنگ بوت کہ اے پہ ملک ءَ یک راستیں ءُ ھاسیں پیسلہ یے ثابت بوت۔ آئی ءَ گوشت کہ دفاعی اُرد ءِ سروک فیلڈ مارشل سید عاصم منیر ءِ فوجی سروکی ءَ پاکستان ءَ استحکام، مھکم ءُ شرپ داتگ۔ راجی اسمبلی ءِ اسپیکر ءَ گوشت کہ بھارت ءِ زوراکیں سوچ ءِ دیم ءَ مزن وزیر محمد شہباز شریف ءَ اے گپ ءِ سر ءَ ھاسیں موقف زرتگ کہ پاکستان ھرچ ​​وڑ ءَ لائکیں پسو ءَ دنت۔ گوستگیں وھد ءِ ھال ءَ آئی ءَ گوشت کہ پیسریگیں مزن وزیر ءَ نرد ءِ سر ءَ اوشتاتگ ءُ گوشتگ ات کہ من بھارت ءِ سر ءَ اُرش بہ کن آں وھدے کہ پاکستان ءَ تیل ھم نیست؟ مرچی ھمے جُست چست بیت کہ آ تیل ءُ پٹرول چہ کجا اتکگ اَنت کہ آ وھد ءَ پاکستان ءِ نزوری پیش دارگ بوتگ اَنت؟ آئی ءَ گوشت کہ اے رنگیں پیسلہ کنگ ءِ واستہ ھمت، جزم ءُ راجی نپ ءَ اولی جاہ ءَ ایر کنگ ءِ ضلورت انت، اے گپ ءَ استیں سروکی ءَ اے گپ ثابت کتگ۔ آئی ءَ گوشت کہ پاکستان ءِ سلاہ بندیں اُرد، سیاسی سروکی، صدر ءِ مملکت ءُ درستیں ادارگ آنی نیمگ ءَ یکوئی ءَ پیسلہ کنگ بوتگ کہ پاکستان ءِ غیرت ءِ سر ءَ ھچ وڑیں مصالحت نہ بیت۔ اللہ تعالیٰ پاکستان ءَ انچیں سوبمندی دات کہ ہندوستان ءَ پد کشگی بوت ءُ پاکستان دیمروئی ءُ استحکام ءِ راہ ءَ رھادگ بوت۔ آئی ءَ گوشت کہ گوستگیں کش ءُ چیل ءِ تہ ءَ پاکستان ءَ نہ ایوک ءَ بھارت ءَ را موثر پسو دات بلکینگ ءَ سفارتی تک ءَ ھم ھاسیں برتری رست، ایشی ءَ چہ پد جھان ءِ تک ءَ پاکستان ءِ بستار منگ بوت۔ اسپیکر راجی اسمبلی ءَ گوشت کہ اسلام آباد ءِ گپ ءُ تران ءِ وھد ءَ سیکورٹی ءِ غیر معمولی بندوبست کنگ بوتگ، ایشی ءِ تہ ءَ پنجاب ءَ چہ پولیس، رینجرز ءُ اے دگہ ادارگ گوانک جنگ بوتگ انت تانکہ ھرچ وڑیں ممکنہ ھترہ ءِ دیم ءَ دارگ بہ بیت۔ اے ترس ات کہ دمگ ءِ عناصر جاوراں ھراب کنگ ءِ جھد ءَ بہ کن انت بلے چہ سکیں سیکورٹی گامگیجاں گپ ءُ تران امن ءُ ایمنی ءَ برجاہ بوتگ انت۔ آئی ءَ گوشت کہ اے گپ ءُ تران دگنیا ءِ راجدپتر ءِ تہ ءَ سیمی جھان جنگ ءِ گر ءُ دار ءِ وڑ ءَ انت کہ ایشی ءِ تہ ءَ پاکستان ءَ ایران ءُ امریکہ ءَ را یک میز ءِ سر ءَ آرگ ءِ واستہ کلیدی کرد پیلو کتگ۔ اے وھد ءِ تہ ءَ 17 ملکاں گپ ءُ تران ءَ ھوار بوھگ ءِ واھشت ءِ درشانی کتگ ءُ بازیں ملکاں پاکستان ءِ کوشست آناں ستا کرتگ۔ آئی ءَ گوشت کہ 47سال ءَ پد دوئیں ملک آناں یک پلیٹ فارم ءِ سر ءَ یکجا کنگ پاکستان ءِ مزنیں سفارتی کامیابی اِنت، ایشی ءِ تہ ءَ مزن وزیر محمد شہباز شریف، دفاعی اُرد ءِ سروک فیلڈ مارشل سید عاصم منیر، نائب مزن وزیر ءُ دری کارانی وزیر اسحاق ڈار،  ڈی جی آئی ایس آئی و نیشنل سیکیورٹی ایڈوائزر ءِ  جوانیں ٹیمب ورک ءَ بنیاتی کرد  پیلو کتگ۔ آئی ءَ گوشت کہ ترکی ءَ 152می آئی پی یو اسمبلی ءِ موہ ءَ جھان ءِ تک ءَ پاکستان ءِ کرد ءَ را ساڑاھگ بوت۔ جرمنی، فرانس، اٹلی، امارات، قطر، سعودی عرب، ترکی ءُ دگہ ملک آنی پارلیمانی نمائندگاں پاکستان ءِ سفارتی کوشست آنی توسیپ کت۔ راجی اسمبلی ءِ صدر ءَ گوشت کہ پاکستان ءَ ایران، امریکہ ءُ خطہ ءِ کش ءُ چیلیں جاور آنی تہ ءَ اصولی ءُ ذمہ واری ءِ رنگ ءَ کرد پیلو کتگ۔ اسرائیل ءِ بابت ءَ پاکستان ءِ موقف پدر انت کہ آ پاکستان ءِ سیاسی ءُ نظریاتی موقف ءِ بہر نہ انت ءُ پاکستان ہر وھد ءَ وتی اصولی موقف ءِ سرا اوشتاتگ۔ سیاسی جاور ھالانی بابت ءَ گپ جنان ءَ آئی ءَ گوشت کہ یک سیاسی گلے وتی سیاست ءَ ایوک ءَ وتی سروک ءِ کش ءُ گور ءَ ایر کنت وھدیکہ مسلم لیگ ن ءَ مدام ریاست، پاکستان ءُ راجی نپ ءَ را اولی تر داتگ۔ آئی ءَ گوشت کہ آھانی سروک ءَ ھما آسراتی رستگ اَنت گوستگیں وھد ءَ کس ءَ دست نہ کپتگ اَنت وھدیکہ ما مدام ادارگ ءُ ریاستی نپ آناں اولی تر داتگ۔ آئی ءَ گوشت کہ ما یقینی زھرشانی کتگ بلے ھچبر ریاستی ادارگ، پاکستانی لشکر ءُ راجی مال ءُ مڈی آناں تاوان نہ داتگ۔ مرچی پاکستان ءِ جہانی نام ءُ نام 10 اِنت۔ اے اللہ تعالیٰ ءِ داد انت کہ ایشی ءِ تہا سیاسی سروکی، پاکستان ءِ سلاہ بندیں اُرد ءُ توامیں ادارہانی یکجائی کرد ہوار انت۔ اسپیکر راجی اسمبلی ءَ گوشت کہ دمگی ءُ سفارتی کار آنی تہ ءَ پاکستان ءِ انوگیں سوبمندی ءُ جھان ءِ تک ءَ آئی ءَ را رستگیں منگ ایوک ءَ یک پارٹی ءُ ادارگ ءِ سر ءَ نہ بوتگ بلکیں ھمک پاکستانی ءِ سر ءَ رستگ۔ ایشی ئَ چہ ایوکا لھتے مردمانی نہ بلکیں سرجمیں پاکستان ئِ شرپ ئُُ شرپ گیش بوتگ اَنت۔ آئی ءَ گوشت کہ منی حلقہ ءَ برجاھیں دیمروئی منصوبگ ٹیم ورک ءِ آسر اَنت، اللہ تعالیٰ ءِ شگر ءُ منت وار آں کہ آئی ءَ را الس ءِ ازمت کنگ ءِ موہ رستگ۔ آئی ءِ واستہ اولی مذہب انت ءُ دومی پاکستان انت ۔