وزیر ءِ درئی کار اسحاق ڈار ءَ گوں ایرانی ھمکار عباس عراقچی ءَ ٹیلی فون ءَ گپ ءُ تران کتگ

اسلام آباد۔19اپریل  (اے پی پی): ایران ءِ دری کارانی وزیر عباس عراقچی  ءَ گوں نائب مزن وزیر ءُ دری کارانی وزیر سینیٹر محمد اسحاق ڈار ءَ ٹیلی فون ءَ گپ ءُ تران کت۔ یک شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار اسحاق ڈار ءَ اے گپ ءِ سر ءَ زور پر دات کہ استیں جیڈھ آنی زوت گیواری ءُ دمگ ءُ جھان ءِ تہ ءَ امن ءُ ایمنی ءِ دیمروئی ءِ واستہ برجاھیں گپ ءُ تران ءُ رابطہ کاری المی اِنت۔ دوئیں رہشوناں نزیکیں رابطہ ءِ سرا تپاک کتگ۔ دوئیں راہشوناں اے گپ ءِ سرا ہم تپاک کتگ کہ مرچی گڈ ءَ ایران ءِ صدر ءُ پاکستان ءِ مزن وزیر ءِ نیام ءَ ٹیلی فون ءِ سرا گپ ءُ تران بیت۔