سینیٹ ءِ چیئرمین سید یوسف رضا گیلانی ءَ روانڈا ءِ ہائی کمشنر فتحو حریریمانہ ءَ گوں گند ءُ نند

ملتان۔ 19 اپریل (اے پی پی):پاکستان ءِ واستہ روانڈا ءِ ہائی کمشنر فتحو ہریریمانا یک شمبے ءِ روچ ءَ گیلانی ہاؤس ءَ سر بوتگ، اودا آئی ءَ را سینیٹ ءِ چیئرمین سید یوسف رضا گیلانی ءَ وش آتک کتگ۔ ایشی ءَ پد چیئرمین سینیٹ ءُ روانڈا ءِ ہائی کمشنر ءِ نیام ءَ گند ءُ نند بوت کہ ایشی ءِ تہ ءَ دو نیمگی کمک ءِ دیمروئی، وت مہ وتی مفاد ءِ جیڈھ ءُ دمگی جاور ھال آنی سر ءَ سرجمیں رنگ ءَ گپ ءُ تران کنگ بوت۔ اے موہ ءِ سر ءَ سینیٹ ءِ چیئرمین سید یوسف رضا گیلانی ءَ گوشت کہ ملتان ءَ پنچ ھزار سال ءِ راجدپتر ھست ایشی ءَ را اولیاء ءِ سرزمین ءِ بستار ءَ وتی بے دروریں پجار است انت۔ آئی ءَ گوشت کہ ملتان ءِ دود ءُ ربیدگ، صوفی دود ءُ ربیدگ، راجدپتری مزار ءُ دستکاری ھاسیں رنگ ءَ نیلیں کوزہ ءِ جوڑ کنگ دگنیا ءِ تہ ءَ مثالی اَنت۔ آئی ءَ گوشت کہ پاکستان ءُ روانڈا ءِ نیام ءَ جوانیں سیادی است انت ءُ دو نیمگی کمک ءِ گوما میاں اوستمانی تک ءَ ھم رابطہ آناں دیمروئی دیگ بیت۔ آئی ءَ گیش گوشت کہ پاکستان افریقی ملک آنی گوما سیادی ءَ را ھاسیں ارزشت دنت ءُ افریقی تجربگ آناں چہ دربرگ ءِ موہ آناں گیش کنگ بیت وھدیکہ پاکستانی ڈل زوت روانڈا ءِ تر ءُ تاب ءَ کنت۔ چیئرمین سینیٹ ءَ گیش گوشت کہ سیل ءُ سواد ءِ وزیر ءِ بستار ءَ آئی ءَ ملتان ءُ جنوبی پنجاب ءَ سیل ءُ سواد ءِ دیمروئی ءِ واستہ گامگیج چست کتگ وھدیکہ مزن وزیر ءِ بستار ءَ آئی ءِ دور ءَ درملکی سیل ءُ سواد آناں فول پروف سیکورٹی ءِ پجارینگ بوتگ۔ روانڈا ءِ ہائی کمشنر فتحو حریمنا ءَ گوشت کہ اے آئی ءِ اولی ملتان ءِ تر ءُ تاب اِنت ءُ آ ادا ءِ مہمانداری ءَ چہ سک باز متاثر بوتگ۔ آئی ءَ گوشت کہ من ءَ شہر ءِ جتاجتائیں تاریخی ھند ءُ دمگ تر ءُ تاب کتگ انت ءُ ملتان ءِ نیلیں کوزہ سک باز دوست بوتگ انت۔ اے موہ ءِ سر ءَ روانڈا ءِ ہائی کمشنر ءَ گیلانی ہاؤس ءَ یک پودے ءِ کشت ءُ کشار کتگ ءُ آم ءِ باگ ءُ بوٹگ آنی تہ ءَ دلگوشی ءِ درشانی کتگ۔ چیئرمین سینیٹ ءَ گوشت کہ ملتان ءِ آم سرجمیں دگنیا ءَ نامدار انت ءُ عالمی تک ءَ ایشی ءِ سک باز ستا کنگ بیت۔ گند ءُ نند ءَ ڈل ءِ گوما کرنل شیاکا کاجوگرو اسماعیل ھم ساڑی ات۔ ایشی ءَ ابید صوبائی اسمبلی ءِ باسک سید علی حیدر گیلانی، پیسریگیں صوبائی اسمبلی ءِ باسک احمد مجتبہ گیلانی، سجدہ نشین موسیٰ پاک دربار سید ابوالحسن گیلانی، سابق ایم پی اے ڈاکٹر جاوید صدیقی، شاہد نسیم کھوکھر، سید ہادی گیلانی، مخدوم سید ارتضیٰ گیلانی  ءُ  عمیر کھوکھر  ءَ ھم بھر زرتگ۔