نائب مزن وزیر محمد اسحاق ڈار ءَ گوں پولینڈ ءِ نائب مزن وزیر ءُ دری کارانی وزیر ءَ گپ ءُ تران

اسلام آباد۔19اپریل  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ پولینڈ ءِ نائب مزن وزیر ءُ درئی کارانی وزیر رادوسلاو سیکورسکی ءَ گوں فون ءِ سر ءَ گپ ءُ تران کتگ۔ یک شمبے ءِ روچ ءَ دری کارانی وزارت ءِ نیمگ ءَ جاڑی بوتگیں بیان ءِ رد ءَ دوئیں بامرد آں پاکستان ءُ پولینڈ ءِ سیادی آنی تہ ءَ جوانیں پیشرفت ءِ ساڑاتگ ءُ وت مہ وتی مفاد ءِ شوبگ آنی تہ ءَ کمک ءَ را گیش مھکم کنگ ءِ واستہ وتی جزم ءِ پدا زور داتگ۔ اے موہ ءِ سر ءَ دمگی ءُ جھان ءِ جیڈھ آنی سر ءَ ھم سرجمیں رنگ ءَ گپ ءُ تران کنگ بوت۔ پولینڈ ءِ نائب مزن وزیر ءُ درئی کارانی وزیر رادوسلاو سیکورسکی ءَ ایران ءُ امریکہ ءِ نیام ءَ جنگ بندی ءِ آسراتی ءِ واستہ پاکستان ءِ کوشست آنی توسیپ کت ءُ امن ءُ ایمنی ءِ دیمروئی ءِ واستہ گپ ءُ تران ءُ سفارتکاری ءِ واستہ پاکستان ءِ برجاھیں عزم ءِ توسیپ کت۔