پٹرولیم ءِ شوبگ ءِ واستہ مزن وزیر ءِ برجاھیں کمک ءِ منت وار ، نرخ آنی مھکم دارگ ءِ واستہ گامگیج زورگ بوھگ ءَ انت، علی پرویز ملک

اسلام آباد۔19اپریل  (اے پی پی): پٹرولیم ءِ وفاقی وزیر علی پرویز ملک ءَ مزن وزیر ءِ شگر ءُ منت گپت ءُ گوشت کہ پٹرولیم ءِ شوبگ ءِ کمک برجاہ اِنت ءُ نرخ آنی مھکم دارگ ءُ توازن ءِ برجائی ءِ واستہ گامگیج کنگ بوھگ ءَ اِنت۔ آئی ءَ گوشت کہ جھان ءِ جنگی جاور آنی سبب ءَ اقتصادی دباؤ ءِ باوجود پاکستان ءِ جاور بازیں ملک آناں چہ گہتر انت۔ دمگی ٹی وی چینلے ءَ گوں تران کنان ءَ علی پرویز ملک ءَ گشتگ کہ حکومت عام مردم ءَ را اولیت دئیگ ءَ انت ءُ ایندھن ءِ نہادانی سرا زور کم کنگ ءِ جہد کنگ بوہگ ءَ انت۔ آئی ءَ گوشت کہ پٹرولیم ءِ شوبگ ءَ استحکام ءِ واستہ گامگیج کنگ بوھگ ءَ انت وھدیکہ پالیسی جوڑ کنگ ءَ الس ریلیف ءَ را مرکزی بستار دیگ بوھگ ءَ انت۔ آئی ءَ گوشت کہ برجاھیں گامگیج آنی مول ءُ مراد اقتصادی چیلنجز ءُ السی ضلورت آنی نیام ءَ توازن ءِ جوڑ کنگ اِنت۔ آئی ءَ دل یکیمی ءِ درشان کت کہ برجاہ اصلاحات ءُ قیادت ءِ کمک ءَ چہ قیمتانی استحکام برجائی بیت ءُ سرجمیں ملک ءَ صارف آناں ریلیف رسیت۔ آئی ءَ گیش گوشت کہ ملک ءِ سول ءُ فوجی سروکی پاکستان ءِ جھان ءِ پوزیشن ءَ را مھکم کنگ ءِ واستہ وتی برجاھیں سفارتی کوشست ءُ کوشست آنی کریڈٹ ءِ مستحق انت۔ آئی ءَ گوشت کہ اے رنگیں یکجاھیں کوشست پاکستان ءِ پوزیشن ءُ سرجمیں راجی برجائی ءَ را مھکم کنگ ءَ کمکی ثابت بوھگ ءَ انت۔ علی پرویز ملک ءَ گوشت کہ میاں اوستمانی جیڈھ ءِ تہ ءَ پاکستان ءِ میانجی داری ءِ کرد ءَ را سرجمیں دگنیا ءَ ساڑاھگ بوتگ ءُ سرجمیں راج ءَ را اے سفارتی کوشست آنی سر ءَ پھر انت۔ آئی ءَ گوشت کہ امریکہ ءُ ایران دوئیں وتی موثریں موقف ءِ تہ ءَ چیزے لچک ءِ درشان کتگ کہ اے یک جوانیں دیمروئی یے ۔ وفاقی وزیر ءَ گوشت کہ البت دوئیں نیمگ آناں یک سرجمیں ءُ برجمیں امن معاہدے ءِ نیمگ ءَ گامگیج ءِ ضلورت اِنت۔ آئی ءَ امیت سہرا کت کہ برجاھیں گپ ءُ تران ءُ سفارتی ھوار بوھگ ءِ وسیلگ ءَ اے جیڈھ زوت گیوار کنگ بیت۔ آئی ءَ اے گپ ءِ سر ءَ دلگوش گور کت کہ بھارت، بنگلہ دیش ءُ سری لنکا ءِ وڑیں ملک آناں جھان ءُ دمگی دباؤ ءِ سبب ءَ سکیں اقتصادی چیلنج آنی تہ ءَ چہ گوستگ اَنت وھدیکہ پاکستان اے وھد ءَ نسبتا مھکمیں جاور ھال ءِ تہ ءَ اِنت۔ آئی ءَ گیش گوشت کہ برجاھیں کوشست ءُ آیوکیں پالیسی گامگیج آنی وسیلگ ءَ الس ءَ را گیش ریلیف رس ایت ءُ سرجمیں اقتصادی جاور ھال گہتر بنت۔