پاک فوج ءَ فائنل ءَ پاک فضائیہ ءَ را 41-31 ءَ چہ  شکست دیان ءَ انٹر ڈیپارٹمنٹل نیشنل کبڈی چیمپئن شپ ءِ ٹائٹل گپتگ

اسلام آباد۔19اپریل  (اے پی پی):  پاک فوج ءَ یک دلکشیں فائنل ءِ تہ ءَ پاک فضائیہ ءَ را 41-31 ءَ چہ  شکست دیان ءَ  ءَ محکمہ  آنی وت مہ وتی نیام ءَ  نیشنل کبڈی چیمپئن شپ ءِ ٹائٹل گپتگ۔ چیمپئن شپ ءِ بندوبست پاکستان کبڈی فیڈریشن ءِ نیمگ ءَ فیصل آباد ءَ ڈویژنل ءُ ضلعی کبڈی انجمن آنی کمک ءَ کنگ بوتگ ایشی ءِ تہ ءَ سرجمیں ملک ءَ چہ 8 ٹیم آنی بھر زوری بوتگ کہ ایشی ءِ تہ ءَ پاکستان آرمی، پاکستان فضائیہ، پاکستان پولیس، واپڈا، پاکستان آرڈننس فیکٹریز واہ، ہائیر ایجوکیشن کمیشن پاکستان ءُ اے ایس ایف ھوار اَنت۔ ادا شنگ بوتگیں پریس ریلیز ءِ رد ءَ پرجوشیں تماشائی آنی دیم ءَ گوازینگ بوتگیں فائنل ءَ آرمی ءُ ایئر فورس ءِ نیام ءَ سکیں گرانیں مقابلہ بوتگ۔ بلے کوچ محمد سلمان جت، فیصل قدیر ءُ محمد نصیر ءِ رہشونی ءَ آرمی ءِ جوانیں حکمت عملی ءُ جوانیں کارکردگی فیصلہ کنوک ثابت بوت ءُ آہاں 41-31 ءَ چہ ھاسیں سوبمندی رست۔ سیمی پوزیشن ءِ میچ ءَ واپڈا ءَ ہائیر ایجوکیشن کمیشن ءَ را 39-21 ءَ چہ ہلاس کتگ ءُ پوڈیم ءَ سر بوتگ۔ مراگش ءَ مزن وزیر ءِ سیاسی ءُ السی کار ءُ بین صوبائی رابطہ ءِ مشیر سینیٹر رانا ثنا اللہ ءَ بہر زرتگ ءُ سوبمندیں ٹیم آناں داد بھر ءُ بانگ کتگ۔ اے موہ ءِ سر ءَ سیکرٹری آرمی فٹنس ءُ اسپورٹس ڈائریکٹریٹ کرنل نبیل احمد رانا ءُ اے دگہ کارندہ ھم ساڑی بوتگ اَنت۔ آئی ءَ گوازی کنوک آنی کارکردگی ءِ توسیپ کتگ۔