بلوچستان ءِ سر وزیر ءُ اپوزیشن بجٹ ءُ دیمروئی ءِ اولویتاں گوں راج لوٹاں ہمگرنچ کنگ ءِ سرا تپاک

کوئٹہ۔ 19 اپریل (اے پی پی): بلوچستان ءِ سر وزیر میر سرفراز بگٹی ءَ اپوزیشن رہشون میر یونس عزیز زہری ءِ سروکی ءَ بلوچستان اسمبلی ءِ اپوزیشن ءِ باسک آں گوں گند ءُ نند کت کہ ایشی ءِ تہ ءَ پارلیمانی معاملہ، آیوکیں مالی سال ءِ بجٹ ءُ دیمروئی منصوبگ آنی سر ءَ سرجمی ءَ گپ ءُ تران کنگ بوت۔ گند ءُ نند ءِ ساھت ءَ حکومت ءُ اپوزیشن ءِ نیام ءَ اے گپ ءِ سر ءَ تپاک کنگ بوت کہ آیوکیں مالی سال ءِ پبلک سیکٹر ڈویلپمنٹ پروگرام ءِ اولویت السی ضلورت آنی گوما ھمگرنچ کنگ بنت تانکہ صوبگ ءِ راستیں دیمروئی ءَ را دل یکیمی کنگ بہ بیت۔ اے موہ ءِ سر ءَ بنجاھی وزیر میر سرفراز بگٹی ءَ گوشت کہ ھزانگ ءُ اپوزیشن دوئیں الس ءِ گچینی نمائندہ اَنت ءُ الس ءِ نپ ءِ ھمک جوانیں سوج ءَ را وش اتک کنگ بیت۔ آئی ءَ گوشت کہ بلوچستان اسمبلی پارلیمانی روایات ءُ صوبائی قدر آنی جوانیں آمیزش انت۔ بلوچستان ءِ سر وزیر ءَ اپوزیشن ءِ باسک آنی پارلیمانی کرد ءَ را ساڑاتگ ءُ گوشت کہ آھاں مدام صبر ءُ اوپار ءُ برزیں اخلاقی ارزشت ءِ درشان کتگ وھدیکہ وت مہ وتی احترام ءُ براتی ءِ اے روایات بلوچستان اسمبلی ءَ را ایندگہ پارلیمنٹ آنی تہ ءَ جتا کن اَنت۔ آئی ءَ گیش گوشت کہ اپوزیشن ءِ جوانیں ءُ جوڑیشت ءِ کرد ءَ را ارزشت دیگ بیت ءُ پی ایس ڈی پی ءِ تہ ءَ السی مفاد ءِ زندگ داروکیں دیمروئی اسکیم آناں ھوار کنگ بیت۔ اے موہ ءِ سر ءَ اپوزیشن ءِ سروک ءُ ایندگر باسک آں بنجاھی وزیر ءِ جوانیں گپ ءُ پارلیمانی رویہ ءِ سر ءَ وتی منت واری درشان کت ءُ گوشت کہ میر سرفراز بگٹی اپوزیشن ءِ آئینی ءُ پارلیمانی مقدسیت ءِ احترام ءَ کنان ءَ گوں پچیں ھیال ءُ لیکہ ءَ گوں جوانیں ایراد ءَ من ایت ۔