سینیٹ ءِ چیئرمین سید یوسف رضا گیلانی ءُ گورنر خیبر پختونخوا فیصل کریم کنڈی ءَ ھُدامرزی سردار ذوالفقار علی خان کھوسہ ءِ قرآن تلاوت ءِ مراگش ءَ بہر زوری

اسلام آباد/ ڈیرہ غازی خان ۔19اپریل  (اے پی پی): سینیٹ ءِ چیئرمین سید یوسف رضا گیلانی ءُ گورنر خیبر پختونخوا فیصل کریم کنڈی ءَ ھوار نامداریں سیاسی مردم ھُدامرزی سردار ذوالفقار علی خان کھوسہ ءِ قرآن تلاوت ءَ بہر زرتگ۔ قرآن تلاوت مراگش ڈیرہ غازی خان ءِ بنجاھی  مزنیں اےائید نماز جاہ  ءَ برجم دارگ بوت۔ سینیٹ ءِ سیکرٹریٹ ءِ رد ءَ اے موہ ءِ سر ءَ یکجائی نماز ءِ سروکی ءَ سجدہ نشین دربر حضرت موسیٰ پاک شہید سید ابوالحسن گیلانی ءِ سروکی ءَ کنگ بوت۔ آئی ءَ ھُدامرزی ءِ رھتبانی برز کنگ ءُ مغفرت ءِ ھم دعا کتگ۔ مراگش ءَ راجی ءُ صوبائی رھشون ءُ  سروک آں  مزنیں کساسے ءَ بھر زرتگ ات۔ اے موہ ءِ سر ءَ سردار حسام الدین کھوسہ ءَ پاگ دیگ بوت ءُ آ قبیلہ ءِ سردار جوڑ کنگ بوت۔ زانگ بہ بیت نمیرانیں ذوالفقار خوسہ یک فکر مند، شرپدار ءُ اصول پسندیں رہشونے بوتگ۔ چیئرمین سینیٹ سید یوسف رضا گیلانی ءَ اے موہ ءِ سر ءَ گوشت کہ نمیرانیں ذوالفقار کھوسہ ءِ ھزمت دائم ءَ یات کنگ بنت، کھوسہ ءِ کھول ءِ سیاسی ءُ سرکاری ھزمت ارزشت دار انت۔ آئی ءَ گوشت کہ اے وڑیں رہشون راج ءِ ارزشتی ایں مڈی انت۔