لاہور۔18اپریل (اے پی پی): مزن وزیر محمد شہباز شریف سعودی عرب، گتر ءُ ترکی ءِ سئے ملکی تر ءُ تاب ءَ پد شمبے ءِ روچ ءَ وطن ءَ واتر بوتگ۔ سعودی عرب، گتر ءُ ترکی ءِ سئے روچی تر ءُ تاب ءِ ساھت ءَ مزن وزیر ءَ سئیں براتیں ملک آنی سروکی ءِ گوما انطالیہ ڈپلومیسی فورم ءَ بھر زوروکیں ایندگر دگنیا ءِ سروک آنی گوما گند ءُ نند کت۔ …
مزن وزیر شہباز شریف سعودی عرب، گتر ءُ ترکی ءِ سئے ملکی تر ءُ تاب ءَ پد وطن ءَ واتر پج اِتگ
گیشتریں ھال
لاہور۔18اپریل (اے پی پی): مزن وزیر محمد شہباز شریف سعودی عرب، گتر ءُ ترکی ءِ سئے ملکی تر ءُ تاب ءَ پد شمبے ءِ روچ ءَ وطن ءَ واتر بوتگ۔ سعودی عرب، گتر ءُ ترکی ءِ سئے روچی تر ءُ تاب ءِ ساھت ءَ مزن وزیر ءَ سئیں براتیں ملک آنی سروکی ءِ گوما انطالیہ ڈپلومیسی فورم ءَ بھر زوروکیں ایندگر دگنیا ءِ سروک آنی گوما گند ءُ نند کت۔ مزن وزیر ءَ براتیں ملک آنی گوما سیادی ءَ را گیش مھکم کنگ، پڑ ءَ امن ءِ واستہ پاکستان ءِ کوشست ءُ دگنیا ءِ سروک آں گوں دمگی ءُ جھان ءِ جاورھال آنی سر ءَ ھیال ریچی کت۔ مزن وزیر ءِ تر ءُ تاب ءِ ساھت ءَ مزن وزیر ءِ ھمراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر ءِ ھال ءُ اھوال عطا اللہ تارڑ، ھاسیں کمکار سید طارق فاطمی ءُ مزن وزیر ءِ دری کارانی جارچین مشرف زیدی ھم ھوار بوتگ اَنت۔ ایشی ءَ چہ پیسر انطالیہ ءِ بالی پٹ ءَ ترکی ءِ دری کارانی وزارت ءِ ڈائریکٹر جنرل سفیر تولگا برمیک ، سفیر نیلوفر کیگسیز ، ترکی ءِ پارلیمنٹ ءِ باسک برہان قایاترک ءُ ترکی ءَ پاکستان ءِ سفیر ڈاکٹر یوسف جنید ءَ مزن وزیر ءُ پاکستانی ڈل ءَ را برو پہ ھیر کت۔
