روس، چین، آذربائیجان، نیپال، مالدیپ ءُ ازبکستان ءِ پارلیمانی ڈلاں گوں اسپیکر راجی اسمبلی ءَ گند ءُ نند

استنبول/اسلام آباد۔18اپریل  (اے پی پی): روس، چین، آذربائیجان، نیپال، مالدیپ ءُ ازبکستان ءِ پارلیمانی ڈلاں استنبول (ترکی) ءَ برجم داشتگیں بین پارلیمانی یونین ءِ 152می جنرل اسمبلی ءِ ساھت ءَ اسپیکر راجی اسمبلی سردار ایاز صادق ءَ گوں گند ءُ نند کتگ۔ راجی اسمبلی ءِ سیکرٹریٹ ءِ رد ءَ روس ءِ اسٹیٹ ڈوما ءِ چیئرپرسن ویلنٹینا میٹوینکو ءُ چینی پارلیمانی ڈل ءَ گوستگیں دمگی کش ءُ چیل آنی وھد ءَ پاکستان ءِ مخلصیں کرد ءِ ساڑات۔ دوئیں ڈلاں امریکہ ءُ ایران ءِ گپ ءُ تران ءِ سرجمیں کمک ءِ دل یکیمی داتگ۔ چین ءِ پارلیمانی ڈل ءِ سروک ژوئے جن ءَ چین ءُ پاکستان ءِ دوستی ءَ را دگنیا ءِ واستہ مثال لیک اتگ۔ اسپیکر سردار ایاز صادق ءَ گوستگیں ہشت دہائی ءَ برجاھیں کمک ءِ پد ءَ چین ءِ شگر ءُ منت گپت۔ سردار ایاز صادق ءَ گوشت کہ پاکستان ءُ چین آہنی برات انت، پاکستان ءَ چین ءِ گوما بے دروریں دوستی ءِ سر ءَ پھر انت۔ مالدیپ ءِ اسپیکر عبدالرحیم ءَ گوں راجی اسمبلی ءِ اسپیکر سردار ایاز صادق ءَ ھم گند ءُ نند کت۔ اسپیکر مالدیپ عبدالرحیم ءَ خلیج جنگ ءِ سبب ءَ مالدیپ ءِ معیشت ءَ بوتگیں تاوان ءِ بابت ءَ سرپدی دات۔ مالدیپ ءِ ڈل ءَ گشتگ کہ جنگ ءِ سبب ءَ ہزاراں سیل ءُ سواد کنوکاں وتی مالدیپ ءِ تر ءُ تاب ہلاس کتگ انت۔ اسپیکر سردار ایاز صادق ءَ وتی مالدیپ ءِ ہمکار ءَ را ہر ممکنیں کمک ءِ دل یکیمی دات۔ آذربائیجان ءِ اسپیکر صاحبہ غفارووا ءَ گوں اسپیکر راجی اسمبلی ءَ ھم گند ءُ نند کتگ۔ اسپیکر سردار ایاز صادق ءَ ھاسیں جہانی ءُ دمگی جیڈھ آنی سر ءَ دوئیں ملک آنی نیام ءَ کمک ءَ را ساڑات۔ آذربائیجان ءِ اسپیکر صاحبہ غفارووا ءَ آئی پی یو اسمبلی ءِ صدارت ءِ امیدوار ءِ بستار ءَ وتی نامینگ ءِ بابت ءَ سرپدی دات۔ اسپیکر سردار ایاز صادق ءَ مشورہ ءِ وسیلہ ءَ مسلم ملک آں چہ یکجائی امیت وار ءِ نامینگ ءِ تجویز داتگ۔ ازبکستان ءِ چیئرپرسن تنزیلہ نوربایوا ءَ راجی اسمبلی ءِ صدر ءَ گوں ھم گند ءُ نند کتگ۔ ازبکستان ءِ چیئرمین تنزیلہ نوربایوا ءَ گوشت کہ دوئیں ملک دود ءُ ربیدگ، زبان ءُ راجدپتر ءِ مھکمیں سیادی ءَ گوں بندوک اَنت۔ آئی ءَ قومی اسمبلی ءِ صدر ءَ را سمرقند ءُ بخارا ءَ اسلامی مراکز جوڑ کنگ ءِ مراگش ءَ بہر زورگ ءِ دعوت دات۔ اسپیکر سردار ایاز صادق ءَ دعوت ءِ سرا ازبک قیادت ءِ شگر ءُ منت گپت۔ گوستگیں توان ءِ بحران ءِ رد ءَ پاکستانی ڈل ءَ را کم چہ کم باسک آنی تہ ءَ محدود کنگ بوتگ۔ وتی تر ءُ تاب ءِ درائیں ھرچ ءُ درچ ءَ پاکستانی ڈل ءِ باسک وت بُرگ ءَ اَنت۔ قومی اسمبلی ءِ صدر ءَ ابید اے ڈل ءِ تہ ءَ وفاقی وزیر برائے قانون ءُ انصاف سینیٹر اعظم نذیر تارڑ ھوار اَنت۔ سینیٹر طلحہ محمود، سینیٹر عامر ولی الدین چشتی، اراکین قومی اسمبلی ڈاکٹر شرمیلا فاروقی ہشام  ڈل ءِ بھر اَنت۔ پارلیمانی ڈل ءَ انعام اللہ خان، اسد عالم نیازی ءُ  فہیم چشتی ھم ھوار انت۔