وزیر خزانہ ءَ ورلڈ بینک ءِ گول میز ءَ بہر زرتگ، ڈیجیٹل چاگردی رکھینگ ءُ شمولیت ءِ بابت ءَ گپ ءُ تران

اسلام آباد۔18اپریل  (اے پی پی): وفاقی وزیر خزانہ سینیٹر محمد اورنگزیب ءَ ورلڈ بینک ءِ نیمگ ءَ برجم داشتگیں گول میز ءِ تہ ءَ بھر زوری کت کہ آئی ءِ سرھال ءَ چاگردی رکھینگ ءِ ڈیجیٹل رنگ ءَ سر کنگ: پاکستان، میاں اوستمانی ءُ شمالی اپریکہ ءِ نیمگ ءَ چہ تجربگ ءُ نوکیں لیکہ ھوار اَنت۔ اے گند ءُ نند ورلڈ بینک ءُ آئی ایم ایف ءِ بہار ءِ دیوان ءِ موہ ءَ واشنگٹن ڈی سی ءَ برجم دارگ بوت۔ وزارت خزانہ ءِ نیمگ ءَ جاڑی بوتگیں بیان ءِ رد ءَ دیوان ءَ دو ھاسیں سرھال ایشانی تہ ءَ پاکستان ءِ ڈیجیٹل پبلک انفراسٹرکچر ءِ سفر ءُ بے نظیر انکم سپورٹ پروگرام ءِ ڈیجیٹل ٹرانسفارمیشن ءِ سر ءَ گپ ءُ تران کنگ بوتگ۔ وزیر ءِ ھزانگ ءَ وتی بنداتی گشتانک ءِ تہ ءَ کوویڈ 19 ءِ وبا ءُ میاں اوستمانی تک ءَ برجاھیں جاور ھال آنی سر ءَ تقابلی چار ءُ تپاسی پیش کت۔ آئی ءَ گوشت کہ کوویڈ 19 ءِ وبا گوستگیں راجدپتر ءِ تہ ءَ مزنیں ڈیمانڈ شاک بوتگ وھدیکہ استیں جاور ھال سپلائی ءِ مزنیں جھٹکا اِنت۔ آئی ءَ گوشت کہ ھما ملک آناں گورننس ءُ ٹیکنالوجی ءِ تہ ءَ وھد ءُ پاس ءِ سر ءَ سرمایہ کاری کتگ آ کورونا ءِ وھد ءَ جوانیں کارکردگی پیش کنگ ءَ سوبین بوتگ اَنت ءُ پاکستان نوں وتی ڈیجیٹل فاؤنڈیشن ءِ سبب ءَ استیں چیلنجز آں گوں جوانیں رنگ ءَ دیم پہ دیم بوھگ ءَ اِنت۔ وزیر خزانہ ءَ گوشت کہ موٹر سائیکل سوار، پبلک ٹرانسپورٹ ءُ کسانیں کشت ءُ کشاری ءِ واستہ ٹارگٹڈ ڈیجیٹل سبسڈی یک مھکمیں ڈیجیٹل ادائیگی ءِ نظام ءِ وسیلگ ءَ آسانی ءَ گوں پجارینگ بوھگ ءَ انت۔ آئی ءَ گوشت کہ ڈیجیٹل سوشل پروٹیکشن ایوک ءَ ادائیگی ءِ نظام نہ انت بلکینگ ءَ مالیاتی شمولیت ءُ اقتصادی وت واجہی ءِ واستہ یک ھاسیں وسیلگ انت۔ ایشی ءِ وسیلگ ءَ ھاسیں رنگ ءَ زالبول آناں بینک اکاؤنٹس ءُ ڈیجیٹل لین دین ءِ رسائی رسگ ءَ انت کہ ایشی ءَ چہ دراجیں مدت ءَ غیر رسمی شعبہ ءِ معاشی شمولیت ءُ دستاویزات ءِ دیمروئی کنگ بوھگ ءَ انت۔