وزیر خزانہ ءَ ایس اینڈ پی گلوبل ریٹنگز ءِ نمائندگاں گوں گند ءُ نند کتگ، اقتصادی ریکوری ءُ گلوبل مالیاتی مارکیٹ آنی تہ ءَ واتر بوھگ ءِ بابت ءَ گپ ءُ تران

اسلام آباد۔18اپریل  (اے پی پی): وفاقی وزیر خزانہ سینیٹر محمد اورنگزیب ءَ ورلڈ بینک ءُ آئی ایم ایف ءِ بہار ءِ دیوان 2026ءِ ساھت ءَ ایس اینڈ پی گلوبل ریٹنگز ءِ نمائندگاں گوں گند ءُ نند کت۔دیوان ءِ ساھت ءَ وزیر خزانہ ءَ گوشت کہ پاکستان ءَ آئی ایم ایف ءِ گوما اسٹاف لیول ءِ معاہدہ سرجم کتگ ءُ آئی ءِ بورڈ ءِ منظوری ءَ پد آیوکیں وھد ءَ دوبر ریلیز کنگ بیت۔ وزارت خزانہ ءِ نیمگ ءَ جاڑی بوتگیں بیان ءِ رد ءَ سینیٹر اورنگزیب ءَ گوشت کہ پاکستان ءَ اے ماہ ءَ 1.4 ارب ڈالر ءِ یوروبانڈ ءِ پد ءَ سوبمندیں رنگ ءَ ادا کتگ۔ آئی ءَ سعودی عرب ءِ نیمگ ءَ چہ 3ارب ڈالر ءِ گیشیں مالی کمک ءُ 2028ءَ تاں 5ارب ڈالر ءِ ڈپازٹ ءِ تہ ءَ گیشی ءِ ھم گپ جتگ کہ ایشی ءَ چہ درائیں مالیاتی پوزیشن گیش مھکم بنت۔ وزیر ءِ ھزانگ ءَ گوشت کہ پاکستان ءَ چارسال ءَ پد جہانی مالیاتی مارکیٹ آنی تہ ءَ واتر بوھگ ءَ پد پرائیویٹ رنگ ءَ یورو بانڈ جاری کتگ ءُ ایشی ءِ پیداوار 7درسد ءَ چہ کم بوتگ ایشی ءَ چہ سرمایہ کار آنی دلبڈی ءِ نشانی انت۔ آئی ءَ پاکستان ءِ میاں اوستمانی مالیاتی حکمت عملی ءِ سر ءَ ھم زور پر دات کہ ایشی ءِ تہ ءَ یورو بانڈ، سکوک ءُ روپیہ ءَ گوں سیادی داروکیں ڈالر بانڈ ءِ وڑیں جتا جتائیں وسیلگ آنی نیمگ ءَ چہ فنڈز جم کنگ ءِ منصوبگ ھوار اَنت۔ سینیٹر اورنگزیب ءَ پاکستان ءِ اولی پانڈا بانڈ ءِ جاری کنگ ءِ تہ ءَ پیشرفت ءِ بابت ءَ ھم سرپدی دات ءُ گوشت کہ ایشی ءِ واستہ درخواست جم کنگ بوتگ وھدیکہ سیادی داروکیں چینی ادارگ ءِ منظوری ءِ ودار اِنت۔ خطہ ءِ تہا برجاھیں جاور ھال آنی اثر آنی سر ءَ تران کنان ءَ وزیر ءِ ھزانگ ءَ گوشت کہ حکومت توان ءِ پھجارینگ ءَ را دل یکیمی کنگ، قیمت ءُ ٹرانسمیشن ءِ نظام ءَ را گہتر کنگ ءُ نزوریں تبک آنی واستہ ٹارگٹڈ ڈیجیٹل سبسڈی ءِ پھجارینگ ءِ سر ءَ دلگوشی دیگ ءَ اِنت۔ گند ءُ نند ءِ گڈ ءَ وزیر ءِ ھزانگ ءَ گوشت کہ پاکستان ءِ گہتر بوھوکیں اقتصادی اشارہ ءُ اصلاحات ءِ رفتار ملک ءِ درجہ بندی ءَ را گہتر کنگ ءِ واستہ مھکمیں بنیات ءِ پجارینگ ءَ انت۔