آر سی سی آئی ءِ ڈل ءَ وفاقی وزیر تجارت ءَ گوں گند ءُ نند

اسلام آباد۔18اپریل  (اے پی پی):راولپنڈی چیمبر آف کامرس اینڈ انڈسٹری ءِ صدر عثمان شوکت ءُ سینئر نائب صدر خالد فاروق قاضی ءَ وفاقی وزیر برائے تجارت جام کمال خان ءَ گوں گند ءُ نند کتگ ءُ امریکہ ءِ گوستگیں تر ءُ تاب ءَ پد آئی ءَ را تفصیل ءَ گوں بریفنگ داتگ ءُ آیوکیں وھد ءِ دو نیمگی ٹراپورٹ ءُ سرمایہ کاری ءِ موہ آنی سر ءَ چمشانک داتگ۔ وفاقی وزیر تجارت جام کمال خان ءَ آر سی سی آئی ءِ ڈل ءِ امریکی اسٹیک ہولڈرز ءِ گوما سرگرمیں ھوار بوھگ ءِ توسیپ کت ءُ گوشت کہ پاکستان ءِ اقتصادی سفارتکاری ءَ را مھکم کنگ ءِ واستہ اے وڑیں کوشست سک باز المی انت۔ آئی ءَ گوشت کہ کاروباری موہ آناں پجارینگ، میاں اوستمانی رابطہ کاری ءَ را گیش کنگ ءُ برآمدات ءَ را گیش کنگ ءُ سرمایہ کاری ءِ را وتی نیمگ ءَ رازیگ کنگ ءِ واستہ حکومتی گامگیج آناں کمک کنگ ءَ چیمبر کلیدی کرد پیلو کن اَنت۔ وزیر ءَ یک رندے پدا گوشت کہ پاکستان برجائی تجارتی دیمروئی ءُ صنعتی دیمروئی ءِ ھاترا امریکہ ءِ گوما ڈھانچہ ءُ کاروباری بنیات ءَ کمک ءَ را دیم ءَ برگ ءِ واستہ جزمیگ انت۔ گند ءُ نند ءِ ساھت ءَ آر سی سی آئی ءِ ڈل ءَ امریکی قانون ساز، کاروباری رہشون، چیمبر آف کامرس ءُ اقتصادی دیمروئی ادارگ آنی گوما وتی گند ءُ نند آنی کلیدی آسر آناں شیئر کت۔ ڈل ءَ گوشت کہ تر ءُ تاب ءِ آسر ءَ پاکستان ءُ امریکہ ءِ نیام ءَ تجارتی سیادی ءَ را گیش کنگ ءِ واستہ ھاسیں رنگ ءَ اسٹیل، دوائی، میڈیکل ڈیوائسز، معدنیات، کان کنی ءُ ٹیکنالوجی ءِ وڑیں شوبگ آنی تہ ءَ مھکمیں دلگوشی پیداک بوتگ۔ ڈل ءَ کیپیٹل ہل ءَ برجم داشتگیں گند ءُ نند آنی سر ءَ ھم بھر ءُ بانگ کت ایشی ءِ تہ ءَ دو نیمگی تجارتی سیادی آناں مھکم کنگ ءُ پاکستان ءِ سرمایہ کاری ءِ جاور ھال ءَ را گہتر کنگ ءِ ھوالگ ءَ گپ ءُ تران کنگ بوت۔ اے موہ ءِ سر ءَ امریکی شریک آنی نیمگ ءَ گیش اقتصادی کمک ءِ تہ ءَ دلگوشی ءِ درشان کنگ ءُ پالیسی ءِ برجائی ءُ سرمایہ کار آناں آسراتی ءِ ارزشت ءِ سر ءَ زور پر دات۔ آر سی سی آئی ءِ نمائندگاں نیویارک سٹی اکنامک ڈویلپمنٹ کارپوریشن، نیویارک چیمبر آف کامرس ءُ نیو جرسی ءَ کاروباری نمائندگ آنی گوما گند ءُ نند ءِ ھم ذکر کتگ کہ ایشی ءِ تہ ءَ پاکستان ءِ نجی شعبہ ءِ گوما شریکداری ءِ ھوالگ ءَ جوانیں پسو رستگ۔ پاکستانی نسل ءِ کمیونٹی ءِ دیمروئی کنوکیں کرد ءَ را ھاسیں رنگ ءَ ٹیکنالوجی ءِ شوبگ ءَ امریکہ ءَ پاکستان ءِ کاروباری توانائی ءَ را پدر کنگ ءِ واستہ یک مھکمیں پُل ءِ رنگ ءَ بیان کنگ بوتگ۔ پریزنٹیشن ءِ رد ءَ امریکی نیمگ ءَ ریاستی تک ءُ ھاسیں شوبگ آنی تہ ءَ کمک کنگ ءِ واھشت ءِ درشانی کتگ کہ ایشی ءَ چہ عملی ءُ ھدف مندیں اقتصادی شریکداری ءِ راہ پچ بوت کنت۔ ڈل ءَ اے گپ ءِ سر ءَ زور پر دات کہ ایوک ءَ برآمدات ءِ سر ءَ نہ بلکینگ ءَ سرمایہ کاری، یکجائی منصوبگ ءُ دراجیں مدت ءِ صنعتی کمک ءِ سر ءَ دلگوشی دیگ بہ بیت۔ آر سی سی آئی ءِ ڈل ءَ امریکی تر ءُ تاب ءَ چہ پیداکیں جوانیں دیمروئی آناں پاکستان ءِ واستہ ٹھوس اقتصادی آسر آنی تہ ءَ بدل کنگ ءِ واستہ وزارت تجارت ءِ گوما نزیکیں کمک ءَ را برجاہ دارگ ءِ وتی عزم ءِ یک رندے پدر کت۔