کولمبو، سری لنکا ءِ کرکٹ ءَ پی سی بی ءِ چیئرمین محسن نقوی ءِ شرپ ءَ ھاسیں مراگش ءِ بندوبست

کولمبو ۔15فروری  (اے پی پی):سری لنکا کرکٹ ءَ پاکستان کرکٹ بورڈ ءِ چیئرمین محسن نقوی ءِ شرپ ءَ کولمبو ءَ یک ھاسیں مراگشے برجم داشتگ ات کہ ایشی ءِ تہ ءَ آئی ءِ ارزشتی ایں ھزمت آناں گیم ءِ دیمروئی ءِ واستہ آئی ءِ ارزشتی ایں ھزمت آناں شرپ دیگ بوتگ ات۔ اے موہ ءِ سر ءَ سری لنکا ءِ کرکٹ ءِ صدر شمیلا سلوا ءُ ایندگر مزنیں اگدہ دار آں محسن نقوی ءَ گوں گند ءُ نند کتگ ءُ وت مہ وتی واھند ءِ جیڈھ آنی سر ءَ گپ ءُ تران کتگ۔ مراگش ءِ تہ ءَ سری لنکا ءِ کھیبانی وزیر سنیل ثناوی، دفاع ءِ وزیر سمپتھ ٹویا کنتھاسے، سری لنکا ءِ کرکٹ ءِ چیف ایگزیکٹو آفیسر ایشلے ڈی سلوا، سجیوا گودالیادا ءُ سیادی داروکیں کارندہ ھم اے مراگش ءَ ھوار اتنت۔ اے ھاسیں مراگش ءَ پاکستان ءَ چہ اوورسیز پاکستانی آنی واستہ وفاقی وزیر چوہدری سالک حسین، پی سی بی ءِ چیف آپریٹنگ آفیسر سمیر احمد ءُ پی ایس ایل ءِ چیف ایگزیکٹو آفیسر سلمان نصیر ءَ ھم بھر زوری کتگ۔ دوئیں کرکٹ بورڈز ءَ کرکٹ ءِ دیمروئی ءُ وت مہ وتی کمک ءَ را گیش مھکم کنگ ءِ واستہ وتی جزم ءِ پدا زور دات۔ اے موہ ءِ سر ءَ سری لنکا کرکٹ ءِ نیمگ ءَ کولمبو ءِ تر ءُ تاب ءِ پد ءَ شرپداریں مہمان پاکستان کرکٹ بورڈ ءِ چیئرمین محسن نقوی ءِ منت گپت۔ محسن نقوی ءَ سری لنکا کرکٹ ءِ وشیں مہمان داری ءِ سر ءَ منت گپت ءُ گوشت کہ کرکٹ یک جنٹلمین ءِ گوازی اِنت کہ ایشی ءِ تہ ءَ مھر، احترام ءُ نزیکی ءِ دیمروئی بیت۔ آئی ءَ گوشت کہ کولمبو ءَ آیگ ءَ سک باز وشی بوتگ ءُ دوئیں ملک آنی نیام ءَ کرکٹ ءِ سیادی گیش مھکم بنت۔