وفاقی وزیر داخلہ محسن نقوی ءُ وزیر ءِ درئی کار طلال چوہدری ءَ امریکی اسسٹنٹ سیکرٹری خارجہ جان مارک پومرشیم ءَ گوں گند ءُ نند کتگ، انسداد ناشرکاری ءُ اندرونی سلامتی ءِ پڑ ءَ وت مہ وتی کمک ءَ را گیش مھکم کنگ ءِ سر ءَ تپاک

اسلام آباد۔12فروری  (اے پی پی): وفاقی وزیر داخلہ محسن نقوی ءُ وزیر ءِ درئی کار طلال چوہدری ءَ گوں امریکی اسسٹنٹ سیکرٹری خارجہ جان مارک پومرشیم ءَ گند ءُ نند کت، ایشی ءِ ساھت ءَ آھاں دمگی جاور ھال، اندری سلامتی ءُ اقتصادی شریکداری ءِ ھوالگ ءَ ھیال ءُ لیکہ ءِ درشان کت۔ اے موہ ءِ سر ءَ امریکی سفیر نیٹلی بیکر، وفاقی سیکرٹری داخلہ ءُ ایندگر مزنیں کارندہ ھم ساڑی بوتگ اَنت۔ امریکی اسسٹنٹ سیکرٹری ءَ گوستگیں روچاں اسلام آباد ءُ کوئٹہ ءَ بوتگیں ناشرکاری اُرش آنی مذمت ءَ گوں سک باز مذمت کتگ ءُ بیران بوتگیں مردمانی کھول ءِ گوما دل ءِ تہ ءَ ھمدردی ءِ درشانی کتگ۔ دوئیں نیمگ ءَ انسداد ناشرکاری ءُ تہی ایمنی ءِ شوبگ آنی تہ ءَ وت مہ وتی کمک ءَ را گیش مھکم کنگ ءِ سر ءَ تپاک کنگ بوت۔ گند ءُ نند ءِ ساھت ءَ امریکہ پاکستان ءِ کان کنی، معدنیات ءُ توان ءِ شوبگ آنی تہ ءَ امریکی سرمایہ کاری ءُ شریکداری ءَ را دیمروئی دیگ ءِ جزم ءِ درشان کنت۔ گند ءُ نند ءِ ساھت ءَ تہی کارانی وزیر محسن نقوی ءَ گوشت کہ ناشرکاری جھان ءِ چیلنج اِنت، ایشی ءِ ھلاسی ءِ واستہ میاں اوستمانی کمک المی اِنت ءُ اے درگت ءَ امریکا ءِ گوما سیادی المی اِنت۔ آئی ءَ دل یکیمی دات کہ پاکستان ءَ امریکی سرمایہ کار آناں ایمن تریں چاگرد پجاری کنگ بیت ءُ ما کان کنی ءُ توانائی ءِ شوبگ ءَ امریکی سرمایہ کاری ءِ سرجمی ءَ کمک کناں۔ اے موہ ءِ سر ءَ تران کنان ءَ جان مارک پومرشیم ءَ گوشت کہ امریکا پاکستان ءِ گوما وتی سیادی ءَ را سک باز ارزشت ءِ گوما چار ایت ءُ جتاجتائیں پڑ آنی تہ ءَ کمک ءِ دیمروئی ءِ واستہ جزمیگ انت۔ من تعاون ءِ برجاہ دارگ ءِ واھشت مند  آں ۔