جیل ءَ پی ٹی آئی ءِ بانی ءِ ھاندان ءِ مردمانی بدیں سلوک ءِ بابت ءَ دروگیں الزام ھلاس نہ بنت، روچ ءِ روٹین ءُ ڈائٹ پلان ءِ بابت ءَ رپورٹ ءَ درستیں سرگوستی گپ  ھلاس کتگ اَنت، عطا اللہ تارڑ

اسلام آباد۔12فروری  (اے پی پی): وفاقی وزیر ءِ اھوالکاری عطا اللہ تارڑ ءَ گوشت کہ جیل ءَ سکیں زھرناکیں سلوک ءُ نا مناسبیں جاور ھال آنی ھوالگ ءَ علیما خان ءُ پی ٹی آئی ءِ بانی ءِ کھول ءِ ایندگر آنی نیمگ ءَ شنگ بوھوکیں جعلی الزام مرچی ھلاس بنت۔ پنچ شمبے ءِ روچ ءَ سوشل نیٹ ورکنگ پلیٹ فارم ”فارم ایکس“ ءِ سر ءَ وتی پوسٹ ءِ تہ ءَ آئی ءَ گوشت کہ زند ءُ ورگ ءِ عادت آنی بابت ءَ رپورٹ ءِ تہ ءَ روچ ءِ روٹین ءُ ڈائٹ پلان ءِ تفصیل ءَ چہ درستیں ابہام ھلاس بوتگ اَنت۔ آئی ءَ گوشت کہ  چیئرمین ءَ را درستیں آسراتی رس ایت ءُ آئی ءَ را ھرچ لس مردم ءَ چہ باز رند ءَ گیش مراعات رسیت۔