ترکی ءِ ایگرو ٹیکنالوجی کلسٹر ءِ ڈل ءَ مزن وزیر شہباز شریف ءَ گوں گند ءُ نند کت، کشت ءُ کشاری ءِ پڑ ءَ دوستیں ملک آنی گوما وت مہ وتی کمک ءِ ضلورت ءِ سر ءَ زور پر دات

اسلام آباد۔12فروری  (اے پی پی): مزن وزیر محمد شہباز شریف ءَ کشت ءُ کشاری ءِ شوبگ ءَ پاکستان ءِ مزنیں وسیلگ ءُ مہارت آناں کارمرد کنگ ءُ دوستیں ملک آنی گوما وت مہ وتی کمک ءِ واستہ یک سرجمیں حکمت عملی ءِ ضلورت ءِ سر ءَ زور پر دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پنچ شمبے ءِ روچ ءَ ترکی ءِ ایگرو ٹیکنالوجی کلسٹر ءِ بورڈ ءِ چیئرمین عبدالقادر کاراگوز ءِ سروکی ءَ چارباسکی ڈل ءَ مزن وزیر محمد شہباز شریف ءَ گوں گند ءُ نند کت۔ مزن وزیر ءَ ڈل ءَ گوں تران کنان ءَ گوشت کہ پاکستان ترکی ءِ گوما وتی مثالی براتی سیادی ءَ را گیش مھکم کنگ ءِ ھوار اقتصادی شریکی ءَ را دیمروئی دیگ ءِ واھشت مند اِنت۔

مزن وزیر ءَ نوکیں ٹیکنالوجی ءُ کشت ءُ کشاری ماہرین آنی وسیلگ ءَ کشت ءُ کشاری شوبگ ءِ تہ ءَ نوآبادیاتی ءَ چہ فائدگ چست کنگ ءِ واستہ ترکی ءُ ایندگر ملک آنی گوما وت مہ وتی کمک ءَ را گیش کنگ ءِ ارزشت ءِ سر ءَ زور پر دات ءُ کشت ءُ کشاری شوبگ ءِ نیام ءَ پاکستان ءِ بے کساسیں وسیلگ ءُ مہارت آناں کارمرد کنگ ءِ واستہ یک جامع حکمت عملی ءِ ضلورت ءِ سر ءَ زور پر دات۔ آئی ءَ گوشت کہ براتیں ملک ترکی ءِ گوما کشت ءُ کشاری ءُ لائیو سٹاک ءِ شوبگ ءَ کمک ءَ را گیش گیش کنگ ءِ بے کساس موہ است انت۔ آئی ءَ گوشت کہ ترکی ءِ کشت ءُ کشاری سامان ءُ لائیو سٹاک ءِ شوبگ ءَ نوکیں ٹیکنالوجی ءِ کارمردی ءَ چہ رستگیں دیمروئی ءِ وڑ ءَ ما پاکستان ءِ کشت ءُ کشاری شوبگ ءَ را نوآبادیاتی ءِ گوما یکجا کنگ ءِ واستہ جزم آں۔ مزن وزیر ءَ گوشت کہ فطرت ءَ پاکستان ءَ را کشت ءُ کشاری ءِ شوبگ ءَ بے کساس وسیلگ آناں نوکی داتگ ءُ نوکیں ٹیکنالوجی ءَ را کارمرد کنان ءَ اے وسیلگ آناں سرجمی ءَ کارمرد کنگ ءِ کوشست بوھگ ءَ انت۔  گند ءُ نند ءِ ساھت ءَ ٹی یو ایم ای ءِ بورڈ  چیئرمین عبدالقادر قارا گوز ءَ وتی گرم ءَ پیداوار ءِ گیش کنگ ءِ واستہ نیکیں ٹیکنالوجی ءِکارمرزی ءِ پد ءَ بریفنگ دات۔ آئی ءَ پاکستان ءُ ترکیہ ءِ نیام ءَ کشت ءُ کشار ءُ لائیو سٹاک ءِ شوبگ ءَ کمک آنی ودینگ ءِ واستہ واھشت ءِ پد ءَ درشان کت۔ گند ءُ نند ءَ  پاکستان ءَ ترکیہ ءِ سفیر عرفان نذیر اوغلو، نائب مزن وزیر  ءُ وزیر ءِ درئی کار محمد اسحاق ڈار، بنجاھیو زیر برائے تجارت جام کمال، بنجاھی وزیر برائے اقتصادی کار احد خان چیمہ، مزن وزیر ءِ مشیر سید طارق فاطمی ءُ ہارون اختر ءُ سیادی داروکیں اپسرگ آں بھر زوری کت۔