صدر آصف علی زرداری ءَ کینیڈا  ءَ  تیرگواری ءَ جانی تاوان ءِ سرا غم ءِ درشانی کتگ

اسلام آباد۔12فروری  (اے پی پی): صدر آصف علی زرداری ءَ برٹش کولمبیا ءِ دمگ ءَ ٹمبلر رج  ءِ تیرگواری ءِ وئیل ءَ جانی تاوان ءِ سر ءَ دلپدردی ءِ درشانی کتگ۔ پنچ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ بازیں نودربر آنی بیرانی ءَ ھوار جانی تاوان ءِ سر ءَ دلپدردی درشان کتگ ءُ ٹپیگ آنی زوت جان سلامتی ءِ دعا کتگ۔ آئی ءَ رائل کینیڈین مائونٹڈ پولیس ءُ ایمرجنسی ءِ کارندہ آنی ہمت ءُ ترندیں گامگیج ءَ را ھم داد دات کہ آہاں جاور ھال آناں کنٹرول ءِ تہ ءَ آرگ ءِ واستہ بے مٹیں کار کتگ۔ صدر ءِ مملکت ءَ گوشت کہ پاکستان اے غم ءِ موہ ءَ گوں وتی پشمندیں برات ءُ گھار آنی گوما یکوئی ءَ اوشتاتگ۔ آئی ءَ گوشت کہ پاکستان ءِ حکومت توامیں زوراکی ءِ کار آنی مذمت ءَ کنت ءُ امن ءُ رواداری ءِ دیمروئی ءِ واستہ وتی جزم ءِ  درشان۔