پاکستان جنگ ءُ چوپ، ناشرکاری، نفرت ءُ زوراکی ءِ ہر وڑیں لیکہ ءِ ھلاپ ءَ جہد ءَ را سرجمیں زور ءَ گوں برجاہ دارگ ءِ ھاترا جزم انت، میاں اوستمانی براتی ءَ را دیریں جیڑہانی انصاف ءُ پرامنیں گیواری ءِ شوہازگ المی انت، مزن وزیر محمد شہباز شریف

اسلام آباد۔12فروری  (اے پی پی): مزن وزیر محمد شہباز شریف ءَ وتی جزم ءِ  درشان  کنگ ءَ انت کہ آ ھرچ وڑیں جنگ ءُ چوپ، ناشرکاری، نفرت ءُ زوراکی ءِ لیکہ ءِ ھلاپ ءَ راجی جہد ءَ را سرجمیں زور ءَ گوں برجاہ بہ دار ایت ءُ گوشت کہ پاکستان ءَ ناشرکاری ءُ انتہا پسندی ءِ ھلاپ ءَ بے دروریں قربانی دیگ ءَ بوتگ انت کہ ناشرکاری ءُ انتہا پسندی ءِ ھلاپ ءَ حل کنگ ءَ انت۔ دیریں تنازعات ءِ سبب ءَ بوتگ۔ مزن وزیر کارگس ءِ میڈیا ونگ ءِ رد ءَ اے ھیالانی درشانی مزن وزیر محمد شہباز شریف ءَ زوراکی ءِ گر ءُ دار ءِ میاں اوستمانی روچ (12فروری) ءِ موہ ءَ وتی گشتانک ءِ تہ ءَ کت۔ مزن وزیر محمد شہباز شریف ءَ گوشت کہ زوراکیں انتہا پسندی ءِ گر ءُ دار ءِ میاں اوستمانی روچ ءِ سر ءَ پاکستان وتی جزم ءِ پدا پدر کنت کہ ما ھمک رنگ ءِ انتہا پسندی، ناشرکاری، نفرت ءُ تعصب ءُ زوراکی ءِ لیکہ ءِ ھلاپ ءَ وتی راجی جنز ءَ سرجمیں زور ءَ گوں برجاہ دار ایں ۔ آئی ءَ گوشت کہ انتہا پسندی ءُ زوراکی ءِ لیکہ نہ ایوک ءَ چاگرد آنی امن ءُ ایمنی ءَ را تاوان دنت بلکیں انسانی قدر آناں ھم نزور کنت کہ انسانیت، رواداری، رواداری ءُ یکے دومی ءِ احترام ءَ را یک نیکیں کارے جوڑ کنت۔ پاکستان ءَ گوستگیں بازیں دہائی آنی تہ ءَ ناشرکاری ءُ زوراکیں انتہا پسندی ءِ ھلاپ ءَ بے دروریں قربانی داتگ۔ مئے دلیریں سیکورٹی کارندہ ءُ شہری آنی قربانی مئے راجی جزم ءِ درپشناکیں مثال ءُ شان ءِ وسیلہ انت۔ مزن وزیر محمد شہباز شریف ءَ گوشت کہ اسلام امن دوستیں مذھب انت ایشی ءِ تہ ءَ اعتدال پسند، برداشت، گپ ءُ تران ءُ انسانی جان ءِ احترام ءِ سکین دیگ بیت۔ مارا ورنائیں نسل ءَ را وانگ ءُ زانگ، موہ ءُ جوانیں سوچ ءِ وسیلگ ءَ چہ انتہا پسندیں لیکہ ءَ چہ رکھینگ لوٹیت۔ آئی ءَ چاگردی انصاف، اقتصادی شمولیت ءُ بین المذاہب یکوئی ءَ را امن ءِ بُن ھشت لیک اِتگ ءُ گوشت کہ پاکستان اے گپ ءِ سر ءَ ھم زور پر دنت کہ برجاھیں ناانصافی، دراجیں جیڈھ ءُ انسانی ھک آنی مزنیں لگتمالی ءَ چہ انتہا پسندی ءُ زوراکی ءِ سبب جوڑ بوتگ۔ ناجائزیں قبضہ ءِ جموں ءُ کشمیر ءُ فلسطین ءَ بے گناہیں شہری آنی سر ءَ ریاستی زلم ءُ زوراکی ءَ ھوار جھان ءِ پڑ ءَ دیریں ھلاس نہ بوتگیں جیڑھ ھم انتہا پسندی ءِ رھبند ءِ عکس اَنت۔ پاکستان چہ میاں اوستمانی براتی ءَ لوٹ کنت کہ آ اے دیریں جیڈھ آنی انصاف ءُ ایمنی ءِ گیواری ءِ واستہ جوانیں گامگیج بہ زور اَنت۔ مزن وزیر محمد شہباز شریف ءَ گوشت کہ پاکستان میاں اوستمانی براتی ءِ گوما یکجائی حکمت عملی، کمک ءُ شریکداری ءِ وسیلگ ءَ زوراکیں انتہا پسندی ءِ ھلاسی ءُ یک انصاف ءُ پرامنیں جھان ءِ رھبند ءِ برجائی ءِ واستہ وتی کرد ءَ برجاہ دار ایت۔ بیا اِت ما درست یکجاہ بہ بئیں ءُ مرچی یک امن ءُ ایمنی ءُ ھمگرنچیں چاگردے ءِ جوڑ کنگ ءَ کار بہ کن ایں ۔