اقوام متحدہ ءِ نائب ھاسیں نمائندہ اندریکا رتواتے ءِ سروکی ءَ ڈل ءَ وفاقی وزیر انجینئر امیر مقام ءَ گوں گند ءُ نند کتگ ءُ پناہ گزین ءُ دمگی کمک ءِ ھوالگ ءَ جیڈھ آنی سر ءَ گپ ءُ تران

اسلام آباد۔12فروری  (اے پی پی): گلگت بلتستان ءُ سیفرون، کشمیر ءِ کار آنی وفاقی وزیر انجینئر امیر مقام ءَ اقوام متحدہ ءِ سیکرٹری جنرل ءِ نائب ھاسیں نمائندہ اندریکا رتواتے  ءِ سروکی ءَ ڈل ءَ گوں گند ءُ نند کتگ تانکہ دمگی کمک ءِ جیڈھ ءِ سر ءَ گپ ءُ تران کنگ بوتگ۔ ادا جاڑی بوتگیں بیان ءِ رد ءَ گند ءُ نند ءِ ساھت ءَ وفاقی وزیر انجینئر امیر مقام ءَ پناہ گزین آنی میزبانی ءِ تہ ءَ پاکستان ءِ دیریں کرد ءِ سر ءَ زور پر دات ءُ گوشت کہ ملک ءَ چار دہائی ءَ چہ گیش اوگان پناہ گزین آناں دل ءِ جہلانکی ءَ گوں میزبانی کتگ، ایشی ءَ چہ اقتصادی ءُ سیکورٹی چیلنج آنی باوجود انسانیت دوستی ءِ واستہ آئی ءِ عزم ءِ درشان اِنت۔ وفاقی وزیر ءَ یک رندے پدا گوشت کہ پاکستان میاں اوستمانی رہبند ءُ دو نیمگی مفاہمت ءِ رد ءَ پناہ گزین آنی ایمن، باوقار، منظم ءُ رضاکارانہ واپسی ءَ را دل یکیمی کنگ ءِ واستہ جزم انت۔ آئی ءَ گوشت کہ پاکستان موثر ریٹرن مینجمنٹ ءِ واستہ مھکم کراس بارڈر کوآرڈینیشن ءُ راستیں ڈیٹا ایکسچینج ءِ ارزشت ءَ را من ایت۔ برجاھیں کمک ءِ وش اتک کنان ءَ وفاقی وزیر ءَ اقوام متحدہ ءِ گوما تکنیکی تک ءِ ھواری ءَ را گیش کنگ ءُ پناہ گزین آنی واتر بوھگ ءِ نظام ءُ کارروائی آناں گہتر کنگ ءِ واستہ پاکستان ءِ تیاری ءِ درشان کت۔ اندرا رتوات ءَ پناہ گزین آنی ھوالگ ءَ پاکستان ءِ دہائی آنی مہمانداری ءِ توسیپ کت ءُ پناہ گزین ءُ میزبان کمیونٹیز ءِ کمک ءِ واستہ پاکستان ءُ اقوام متحدہ ءِ ادارگ آنی نیام ءَ برجاھیں کمک ءِ سر ءَ تران کت۔ اے موہ ءِ سر ءَ سیکرٹری سیفرون، کشمیر ءُ گلگت بلتستان ءِ کارانی ظفر حسن، پاکستان ءَ یو این ایچ سی آر ءِ نمائندہ فلیپا کینڈلر ءُ پناہ گزینانی چیف کمشنر عصمت اللہ شاہ ھم ساڑی اتنت۔ گپ ءُ تران ءِ آسر ءَ پناہ گزین آنی ھوالگ ءَ یک ھمگرنچ ءُ انسانی رنگ ءَ چیلنج آناں گیواری ءِ واستہ برجاھیں گپ ءُ تران ءُ کمک ءِ برجاہ دارگ ءِ جزم ءِ پدا زورگ بوت۔