وفاقی داخلہ ءِ وزیر محسن نقوی ءُ بحرین ءِ ہم منصب راشد بن عبداللہ الخلیفہ ءَ ٹیلی فون ءِ سرا گپ ءُ تران کتگ، اسلام آباد ءِ یک مسیتے ءَ وت کُش تراک ءِ مذمت

اسلام آباد۔12فروری  (اے پی پی): وفاقی داخلہ ءِ وزیر محسن نقوی ءَ وتی بحرین ءِ ہم منصب راشد بن عبداللہ خلیفہ ءَ گوں ٹیلی فون ءِ سرا گپ ءُ تران کتگ کہ ایشی ءِ تہا آہاں اسلام آباد ءِ یک مسیت ءِ تہا بوتگیں وت کُشیں تراک ءَ را سک باز مذمت کتگ۔ بحرین ءِ تہی کارانی وزیر ءَ تراک ءِ تہ ءَ جانی بیرانی ءِ سر ءَ سک باز رنج ءُ گم ءِ درشانی کتگ ءُ شھید ءُ بیران بوتگیں مردمانی کھول ءِ گوما دل ءِ جہلانکی ءَ ھمدردی ءِ درشانی کتگ۔ آئی ءَ گوشت کہ مسیت ءِ سر ءَ اُرش نہ ایوک ءَ پاکستان ءِ سر ءَ اُرش اِنت بلکینگ ءَ انسانیت ءِ سر ءَ اُرش اِنت ۔ بحرین ہر وڑیں ناشرکاری ءِ مذمت کنت ءُ اے گرانیں ساھت ءَ پاکستان ءِ گوما اوشتاتگ۔ آئی ءَ گوشت کہ ناشرکاری ءِ ھلاپ ءَ جنگ ءَ پاکستان ءِ مزنیں قربانی ستا کرز انت۔ تہی کارانی وزیر محسن نقوی ءَ یکوئی ءِ اشارہ ءِ سر ءَ وتی بحریہ ءِ ھمکار ءِ منت گپت ءُ گوشت کہ بحرین ءَ مدام پاکستان ءِ ھمک آزمائش ءَ کمک کتگ۔ آئی ءَ اے گپ ءِ سر ءَ زور پر دات کہ پاکستان ءَ دگنیا ءَ را ایمن جوڑ کنگ ءِ واستہ بے دروریں قربانی داتگ، نوں وھد انت کہ دگنیا ناشرکاری ءِ ھلاپ ءَ جنگ ءَ پاکستان ءِ گوما شانک ماں شانہ ءَ اوشتات کنت۔ محسن نقوی ءَ اے گپ ءِ سر ءَ ھم زور پر دات کہ ناشرکاری ءِ آفت ءَ را جھان ءِ تک ءَ چہ ھلاس کنگ ءِ ھاترا ھمگرنچ ءُ موثریں گامگیج زورگ بہ بنت۔