مزن وزیر ءِ پنت ءُ شون ءِ سرا پیسلہ  ءِ بنیاد ءَ میٹرنگ ءِ عمل درآمد بند کنگ بوتگ، نیٹ میٹرنگ سسٹم ءَ گوں ایوک ءَ 6 ءَ چہ 7 ہزار میگاواٹ شمسی توان جوڑ کنگ بوتگ، وزیر برائے توانائی ءَ راجی اسمبلی ءِ دلگوش ءَ آرگ بوتگیں نوٹس ءِ سر ءَ پسو

اسلام آباد۔12فروری  (اے پی پی): وفاقی وزیر توان سردار اویس احمد خان لغاری ءَ گوشت کہ مزن وزیر ءِ پنت ءُ شون ءِ رد ءَ پیسلہ  ءِ بنیاد ءَ میٹرنگ ءِ سر ءَ عمل کنگ بند کنگ بیت۔ چہ 22 ہزار میگاواٹ ءِ کلیں شمسی توانائی نیٹ میٹرنگ سسٹم ءَ گوں بندوک اِنت ءُ شمسی توانائی ءِ نزیک ءَ شش چہ ہفت میگاواٹ نیٹ میٹرنگ سسٹم ءَ گوں بندوک اِنت۔ قیمتانی نظام معقول ءُ منصفانہ بہ بیت۔ پنچ شمبے ءِ روچ ءَ راجی اسمبلی ءَ نیٹ میٹرنگ ءِ ھوالگ ءَ گوستگیں دیمروئی آنی ھوالگ ءَ بجلی ءِ وفاقی وزیر اویس لغری ءَ ایوان ءَ گوشت کہ گوستگیں بازیں روچ آنی تہ ءَ اے ھوالگ ءَ سوشل ءُ الیکٹرانک میڈیا ءِ سر ءَ گپ ءُ تران بوھگ ءَ اِنت۔ ایوان ءَ یک قراردادے ھم پیش کنگ بوت کہ ایوان ءَ رد کت ءُ مئے موقف منگ بوت۔ نود ماہ پیسر اے جیڈھ ءِ سر ءَ ھم گپ ءُ تران بوتگ ات ءُ ای سی سی ءَ اے درگت ءَ تجویز منظور کتگ ات۔ آئی ءَ گوشت کہ نیٹ میٹرنگ ءِ نظام 2017 ءَ چہ بندات کنگ بوتگ ات، آ وھد ءَ نیٹ میٹرنگ ءِ رھبند جوڑ کنگ بوتگ ات۔ ریگولیٹرز ءَ اے درگت ءَ چار یا پنچ رند ءَ بدلی کتگ۔ اے ریگولیٹرز ءِ نوکیں عمل اِنت، وھدے کہ سرکار ءَ اپیل کنگ ءِ حق ھست۔ اے گپ ءِ سر ءَ بازیں زھر ءُ زاری بوتگ ءُ مردماں اے گپ ءِ سر ءَ ایراد گپتگ کہ اے گپ راج ءِ نفع ءَ نہ اِنت۔ سیاسی گلاں ھم اے گامگیج آناں پد ءَ رول کنگ ءِ واھشت ءِ درشانی کتگ پرچا کہ آ متبادل توانائی ءِ دیمروئی ءِ پالیسی ءِ ھلاپ اَنت۔ وفاقی وزیر ءَ گوشت کہ پاکستان ءَ انوگیں شمسی توان ءِ پیداوار ءِ گنجائش 20ہزار ءَ چہ 22ہزار میگاواٹ اِنت، ایشی ءِ تہ ءَ نزیک ءَ 6ہزار ءَ چہ 7ہزار میگاواٹ صارف نیٹ میٹرنگ سسٹم ءَ گوں بندوک اَنت، ایشی ءِ تہ ءَ 22ہزار میگاواٹ صنعتی ءُ ملکی صارف اَنت کہ ایشی ءِ تہ ءَ نزیک ءَ 46000 میگاواٹ اِنت۔ میٹرنگ ءِ واھنداں ۔۔۔ این پی آر آر اے ءِ انوگیں گامگیج ءَ چہ عام مردم ءُ کسٹومر ءِ سر ءَ ھچ وڑیں اثر نہ کپیت۔ آئی ءَ گوشت کہ اسلام آباد ءِ ایف سمٹس ڈویلپمنٹ سیکٹر ءِ تہ ءَ گیشتریں سولر پینل نیٹ میٹرنگ ءَ گوں بندوک اَنت وھدیکہ بارا کہو ءُ برما ٹاؤن اے وڑیں دمگ آنی تہ ءَ اَنت۔ گیشتریں جاوراں سولر پینل میٹرنگ ءِ تہا ہوار نہ بنت، سولر ءِ کلیں حجم ءِ 8 ءَ چہ 10 درسد میٹرنگ ءَ گوں بندوک انت، اے جاور ملک ءِ دگہ شہراں ہم است انت۔ عویس لغاری ءَ گوشت کہ گوستگیں سال ءَ کلیں بجلی ءِ بل ءِ تہ ءَ 55درسد شمسی توانائی ھوار بوتگ کہ اے میاں اوستمانی معیار ءِ نزیک اِنت، گوستگیں مالی سال ءَ پٹرولیم آئل ءِ 0.001درسد ھم کارمرد نہ بوتگ، ھمے رنگ ءَ درآمد بوتگیں ایندھن ءِ سر ءَ انحصار ھلاس کنگ بوھگ ءَ اِنت۔ آئی ءَ گوشت کہ ما ریگولیٹرز ءَ را منصفانہ قیمت ءِ میکانزم جوڑ کنگ ءِ گوشت کتگ، اگاں شمسی سرمایہ کاری ءَ چہ 50درسد منافع رسگ ءَ انت گڈا منافع ءِ تہ ءَ معقول کمی آرگ ءَ ھچ تاوان نیست، سرجمیں گرڈ ءِ سر ءَ بجلی ءِ گرگ ءِ اوسط قیمت 10کروڑ کلدار انت۔ ۵۸۔۳۱۔ وفاقی وزیر ءَ گوشت کہ میٹر وار ءِ ھوالگ ءَ مزن وزیر ءِ پنت ءُ شون ءِ سر ءَ گپ ءُ تران کنگ بوتگ ءُ اے ھم پیسلہ کنگ بوتگ کہ یک ماہے ءِ تہ ءَ ریگولیٹرز ءَ اپیل دائر کنگ بیت۔ چار ءُ نیم لکھ مردمانی بار 150 ملین صارف آنی سر ءَ ایر کنگ مہ بیت۔ منافع ءَ را 50درسد ءَ چہ 37درسد ءَ کم کنگ ءَ ہچ وڑیں جیڑہ مہ بیت ۔ صنعتی کسٹومر ءَ نیٹ بلنگ ءِ سرا ہچ اعتراض نیست۔ مزن وزیر ءَ چار ءُ تپاسی دائر کنگ ءَ پد بوجھ باکی شوبگ آنی سر ءَ شِنگ کنگ ءِ واستہ گامگیج آنی پنت ءُ شون کتگ۔ شرمیلا ءُ فیروکی ءِ جست ءِ سر ءَ آئی ءَ گوشت کہ مزن وزیر ءَ پیسر ءَ چہ گامگیج آنی سر ءَ عمل کنگ بند کتگ۔ وزیر ءَ ہچ وڑیں پڑ ءَ اے گپ نہ گشتگ کہ بجلی ءِ شوبگ ءَ جیڈھ نیست انت۔ ما یک سال ءِ تہ ءَ سرکلر ڈیبٹ ءَ را 780ارب کلدار کم کتگ۔ آئی پی سیکٹر ءِ گوما 3400ارب کلدار ءِ واستہ گپ ءُ تران بوھگ ءَ انت ۔ مزن وزیر ءِ یک سیاد ءِ آئی پی پی ءِ گوما گپ ءُ تران ءِ وسیلگ ءَ 100ارب کلدار ءِ کمی بوتگ ایشی ءَ را مزن وزیر ءَ ساڑاتگ۔ دُزی ءِ گر ءُ دار ءُ ریکوری ءِ تہ ءَ ھم گہتری بوتگ، کسٹومر ءِ سر ءَ 197ارب کلدار ءِ بار کم کنگ بوتگ، بجلی ءِ شرح 18 ءَ چہ 19درسد ءَ کم کنگ بوتگ، صنعتی کسٹومر ءِ کلیں نھاد 38درسد کم کنگ بوتگ، ملکی ءُ کشت ءُ کشاری کسٹومر ءَ را ھم ریلیف  ءِ آسراتی دیگ بوتگ۔