مزن وزیر شہباز شریف ءَ شمسی توانائی ءِ استیں کسٹومر  آنی کنٹریکٹ ءِ رکھینگ ءِ سر ءَ ترندیں چار ءُ تپاسی ءِ ہدایت داتگ

اسلام آباد۔11فروری  (اے پی پی): مزن وزیر محمد شہباز شریف ءَ نیپریا ءِ نیمگ ءَ سولر ءِ ھوالگ ءَ نوکیں ضوابط ءِ جاری کنگ ءِ ترندیں نوٹس زرتگ ءُ پاور ڈویژن ءَ را ہدایت کتگ کہ آ استیں سولر صارفین ءِ کنٹریکٹ ءِ رکھینگ ءِ سرا ترندیں رنگ ءَ چار ءُ تپاسی ءَ دائر بہ کنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نیپریا ءِ نیمگ ءَ نوکیں ریگولیشنز ءِ جاری کنگ ءِ ھوالگ ءَ مزن وزیر شہباز شریف ءِ سروکی ءَ اسلام آباد ءَ ھاسیں دیوان برجم دارگ بوت۔ گند ءُ نند ءَ نائب مزن وزیر ءُ درئی کارانی وزیر اسحاق دار، وفاقی وزیر احد خان چمھر، عطا اللہ ترار، علی پرویز ملک، سردار اویس احمد خان لغاری، وزیر مملکت بلال اظہر کنی، مشرم نجکاری ءِ سینئر محمد علی ءُ سیادی داروکیں اہلکار ءَ بہر زرتگ۔ مزن وزیر ءَ ہدایت کت کہ پاور ڈویژن ءَ را استیں شمسی توانائی ءِ صارف کنٹریکٹ آنی رکھینگ ءِ ھوالگ ءَ نیشنل پاور ریگولیٹری اتھارٹی ءَ زوت چار ءُ تپاسی ءِ درخواست دائر کنگ بہ بیت تانکہ استیں کنٹریکٹ آناں ھمک رنگ ءِ رکھینگ دیگ بہ بیت۔ مزن وزیر ءَ گوشت کہ 466ہزار شمسی توان ءِ صارف آنی بار 37.6ملین ءَ چہ گیش صارف آنی سر ءَ مہ کپ ایت کہ آ ایوک ءَ نیشنل گرڈ ءَ چہ بجلی ءِ صارف کن اَنت ءُ پاور ڈویژن ءَ اے درگت ءَ یک جامع ایکشن پلان ءِ جوڑ کنگ لوٹ ایت۔