تربیت ءِ پروگرام ھمک پڑ ءَ کزبی ازمکاری شر کنگ ءِ یک ھاسیں وسیلہ یے، تربیت، وژن ءُ مدامی وانگ ءِ وسیلگ ءَ موثر رہشونی دیمروئی کنت، احسن اقبال

اسلام آباد۔11فروری  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ ھرچ پڑ ءَ تربیتی پروگرام کزبی مہارت آناں گہتر کنگ ءِ یک ھاسیں وسیلگ انت ءُ موثر قیادت تربیت، وژن ءُ برجاھیں وانگ ءِ وسیلگ ءَ دیمروئی کنت۔ مئے چاگرد انگت ءَ باصلاحیت ءُ موثریں رہشونی ءِ کمی ءِ آماچ انت کہ ایشی ءِ مستریں سبب تعلیمی نظام ءِ تہا جامع ءُ موثریں پالیسی سازی ءِ کمی انت۔ آئی ءَ سئے روچی پائڈ لیڈر شپ ایکسیلنس ورکشاپ ءِ گڈی مراگش ءَ گوں گشتانک دیگ ءَ ات۔ احسن اقبال ءَ گوشت کہ سوبمندیں سروکی ءِ شناخت مول ءُ مراد ءُ مشن ءِ سر ءَ جزم ءِ وسیلگ ءَ بیت۔ آئی ءِ گشگ ءِ رد ءَ یک سوبمندیں رہشونے ءِ مہارتانی تہ ءَ ایوک ءَ دہ درسد تکنیکی مہارت اَنت ءُ نود درسد پبلک ءُ سافٹ مہارت اَنت۔ وفاقی وزیر ءَ گشتگ کہ 1835 ءَ دیم ءَ آؤرتگیں نوآبادیاتی وانگ ءُ زانگ ءِ نظام ءِ مول ءُ مراد ذہنی غلامی ءِ پیداک کنگ بوتگ ءُ بدقسمتی ءَ ما اے نظام ءَ بدل کنگ ءِ بدل ءَ ہمے وڑا داشتگ۔ آئی ءَ گوشت کہ راستیں رہشون ھما جاور ءِ بھر جوڑ نہ بیت بلکیں چاگرد ءِ تہ ءَ جوانیں بدلی ءِ پیشگام انت ءُ نظام ءِ گہتر کنگ آئی ءِ بنجاہی ذمہ واری انت۔ احسن اقبال ءَ گوشت کہ جوانیں رہشون ھما اِنت کہ آ وتی ادارگ ءَ را درائیں بدلی ءُ نوکیں ٹیکنالوجی ءِ گوما ھمگام بہ کنت۔ مرچیگیں دنیا ءَ ایوک ءَ ہما راج ءُ تنظیم سوبمند اِنت کہ آئی ءِ تہا ٹیلنٹ ءِ شوہازگ ءُ آئی ءَ را جوانیں وڑے ءَ کارمرز کنگ ءِ صلاحیت بہ بیت۔ آئی ءَ اے گپ ءِ سر ءَ زور پر دات کہ تنظیم آناں روایتی ءُ پراھیں رھبند آں چہ دور بہ بنت ءُ نوآبادیاتی ءُ خلاقیت ءِ راہ ءَ بہ زور اَنت۔ آئی ءَ گوشت کہ سروکی ءِ مستریں کرد مردم آناں یکجا کنگ ءُ جوانیں سوچ ءُ اجتماعی طاقت ءَ را دیم ءَ برگ اِنت وھدیکہ یک سوبمندیں سروک ءِ ھاسیں اولویت آنی گوما سرجمی ءَ وتی مول ءُ مراد ءِ سر ءَ دلگوشی دنت۔ احسن اقبال ءَ امیت سھمکا کت کہ سئے روچی لیڈر شپ ورکشاپ ءَ چہ بھر زوروک آنی ادارگی ءُ کزبی کرد آنی تہ ءَ جوانیں بدلی آرگ بیت۔ آئی ءَ واھشت کت کہ پی آئی ای ڈی وتی پٹ ءُ پول ءُ پالیسی سازی ءِ وسیلگ ءَ چاگردی بدلی ءِ واستہ جوانیں ادارگ جوڑ بہ بیت۔ اے موہ ءِ سر ءَ پی آئی ای ڈی ءِ وائس چانسلر ڈاکٹر ندیم جاوید ءَ گوشت کہ سئے روچی ورکشاپ ءَ بھر زوری یک ھاسیں ءُ بامردیں موہ ات ءُ آیوکیں وھد ءَ ھم اے وڑیں کارآمد ءُ کوالٹی ورکشاپ برجم دارگ بنت۔ آئی ءَ گوشت کہ پی آئی ای ڈی ءَ را پالیسی ساز آنی واستہ یک موثر ءُ باوقاریں ادارگ جوڑ کنگ بیت کہ آ ٹھوس ءُ کارروائی ءِ لائکیں سوج آنی پجاری ءَ کنت۔