پاکستان امن ءُ ایمنی ءِ ھاترا ھرچ ءُ درچ ءِ ادا کنگ ءَ تیار اِنت بلے ھون ءِ حساب ءُ کتاب کنگ بیت، وزیر دیمپان خواجہ محمد آصف

اسلام آباد۔11فروری  (اے پی پی): دیمپان ءِ وزیر خواجہ محمد آصف ءَ گشتگ کہ پاکستان امن ءُ ایمنی ءِ مالیات ءِ ادا کنگ ءَ ساڑی انت بلے ہون ءِ حساب دیگ بیت۔ چار شمبے ءِ روچ ءَ راجی اسمبلی ءَ ذاتی وضاحت ءِ نقطہ ءِ سر ءَ وتی ھیال درشان کنان ءَ آئی ءَ گوشت کہ مارا شھید آنی جیڈھ ءِ سر ءَ تپاک کنگ لوٹ ایت، پاکستان ءَ بازیں دہائیاں چہ اوگان آنی میزبانی کتگ، ہجرت ءِ سبب نوں نیست ءُ اودا امن ءُ ایمنی جوڑ بوتگ ءُ آھانی حکومت ھم جوڑ کنگ بوتگ، پمیشکا پدا اوگان بہ رو اَنت۔ آئی ءَ گوشت کہ افغان بیپار ھم جاری انت، اودا روگ ءَ سامان پاکستان ءَ دیم دیگ بوتگ انت۔ وزیر دیمپان ءَ گوشت کہ ما مہذبیں ھمساھگ آنی رنگ ءَ زندگ بوت کن ایں، ایمنی ءِ واستہ ھمزور بوھگ ءِ واستہ گپ ءُ تران ھم کتگ، بلے ایشی ءَ ابید اوگان سرڈگار ءَ چہ پاکستان ءِ سر ءَ اُرش بوھگ ءَ انت۔ کم چہ کم یک گپے ءِ سر ءَ سرجمیں راج اے گپ ءِ سر ءَ تپاک بہ کنت کہ شھیدانی ھون بے سوب مہ رو اَنت، ما ھمے ھون ءِ ھر ٹپّ ءِ ھساب ءَ کن ایں، وھدے کہ مئے سیکورٹی فورسز ءِ پرسنل شھید کنگ بوگ ءَ اِت اَنت، ما انگت دوحہ ءُ استنبول ءَ گپ ءُ تران کنگ ءَ اِت ایں۔ آئی ءَ گوشت کہ پاکستان امن ءُ ایمنی ءِ واستہ مُز ءِ ادا کنگ ءَ ساڑی اِنت، بلے ھون ءِ حساب ءَ کنگ بیت۔