مزن وزیر شہباز شریف ءَ استیں شمسی توانائی ءِ صارفین ءِ معاہدہ آنی رکھینگ ءِ واستہ ترندیں چار ءُ تپاسی اپیل ءِ پنت ءُ شون کتگ

اسلام آباد۔11فروری  (اے پی پی): مزن وزیر محمد شہباز شریف ءَ نیپرا ءِ نیمگ ءَ سولر ءِ ھوالگ ءَ نوکیں ضوابط ءِ جاری کنگ ءِ ترندیں نوٹس زرتگ ءُ پاور ڈویژن ء را پنت ءُ شون کتگ کہ آ استیں سولر صارف آنی معاہدہ آنی رکھینگ ءِ ھوالگ ءَ ترندیں رنگ ءَ چار ءُ تپاسی ءِ واستہ اپیل دائر بہ کنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نیپرا ءِ نیمگ ءَ نوکیں ریگولیشنز ءِ جاری کنگ ءِ ھوالگ ءَ مزن وزیر شہباز شریف ءِ سروکی ءَ اسلام آباد ءَ ھاسیں دیوان برجم دارگ بوت۔ گند ءُ نند ءَ نائب مزن وزیر ءُ درئی کارانی وزیر اسحاق ڈار، وفاقی وزیر احد خان چیما، عطا اللہ ترار، علی پرویز ملک، سردار اویس احمد خان لغاری، وزیر مملکت بلال اظھمک کیانی، نجکاری ءِ ھوالگ ءَ مشیر محمد علی ءُ سیادی داروکیں حکام ءَ بھر زوری کت۔ مزن وزیر ءَ پنت ءُ شون کت کہ پاور ڈویژن ءَ را استیں شمسی توان ءِ صارف آنی کنٹریکٹ ءِ رکھینگ ءِ چار ءُ تپاسی ءِ واستہ زوت نیپرا ءَ اپیل دائر کنگ بہ بیت تانکہ استیں کنٹریکٹ آنی ھمک ممکنہ رکھینگ ءَ را دل یکیمی کنگ بہ بیت۔ مزن وزیر ءَ گوشت کہ 466 ہزار شمسی توانائی ءِ صارف آنی بار 37.6ملین ءَ چہ گیش صارف آنی سر ءَ مہ کپ ایت کہ آ ایوک ءَ نیشنل گرڈ ءَ چہ بجلی ءِ کارمرز کنگ ءَ اَنت ءُ پاور ڈویژن ءَ اے درگت ءَ یک جامع ایکشن پلان ءِ جوڑ کنگ لوٹ ایت۔