وفاقی وزیر تجارت جام کمال خان ءَ سعودی عرب ءِ سرمایہ کاری ءِ معاون وزیر ابراہیم المبارک ءَ گوں گند ءُ نند کتگ، سرمایہ کاری ءِ دیمروئی ءُ دمگی مارکیٹ ءِ کمک ءِ بابت ءَ گپ ءُ تران

اسلام آباد۔11فروری  (اے پی پی): سعودی عرب ءِ سرمایہ کاری ءِ معاون وزیر ابراہیم المبارک ءَ چار شمبے ءِ روچ ءَ وفاقی وزیر تجارت جام کمال خان ءَ گوں گند ءُ نند کت۔ گند ءُ نند ءِ تہ ءَ دمگی مارکیٹ آنی تہ ءَ بیپار، سرمایہ کاری ءُ یکجائی ھواری ءِ تہ ءَ دو نیمگی کمک ءِ سر ءَ چار ءُ تپاسی کت ءُ ایشی ءَ را دیم ءَ برگ ءِ ھوالگ ءَ ھیال ءُ لیکہ درشان کت۔ گند ءُ نند ءِ تہ اقتصادی کمک ءِ واستہ سرمایہ کاری ءُ شریکداری ءِ بنیاد ءَ رپک ءِ سر ءَ دلگوشی کنگ بوت۔ دوئیں ملک آنی نیمگ ءَ پاکستان ءِ برآمداتی گنجائش ءَ را گیش کنگ ءُ پائیدار رنگ ءَ گیش بوھوکیں دمگی لوٹ آناں پیلو کنگ ءِ واستہ مقابلہ ءِ توان ءَ را گیش کنگ، پیداوار ءَ را گیش کنگ ءُ جھان ءِ معیشت ءَ را مھکم کنگ ءِ سر ءَ زور پر دات۔ گپ ءُ تران ءِ تہ ءَ دمگی مارکیٹ آنی تہ ءَ ھاسیں رنگ ءَ میاں اوستمانی، افریقہ ءُ آسیان ءِ ملک آنی تہ ءَ رسائی ءَ را گیش کنگ ءِ سر ءَ دلگوشی دیگ بوتگ۔ دوئیں نیمگاں اے گپ ءِ سر ءَ تپاک کت کہ پاکستان ءُ سعودی عرب وتی وتی توانائی آناں کارمرد کنان ءَ پاکستان ءِ پیداواری توانائی آناں دیمروئی دنت ءُ مارکیٹ ءِ رسائی ءُ دمگی رابطہ ءِ گوما یکجاھی ءَ وت ءَ را یکے دومی ءِ کمکی شریک ءِ بستار ءَ دیم ءَ آرگ ءَ انت۔ برنج ءِ شوبگ ءَ سعودی نیمگ ءَ پاکستان ءَ کارپوریٹ فارمنگ ءِ تہ ءَ سرمایہ کاری کنگ ءِ واستا واھشت ءِ درشان کتگ۔ گند ءُ نند ءَ اے گپ ءِ سر ءَ ھم زور پر دات کہ پاکستان پیسر ءَ چہ جھان ءِ رہبند آنی رد ءَ برآمد کنت ءُ کارپوریٹ تک ءَ کاشتکاری، میکانائزیشن، اسٹوریج ءُ رسد ءِ تہ ءَ سرمایہ کاری ءِ واستہ دراجیں مدتی بندوبست پاکستان ءَ چہ سعودی عرب ءَ برنج ءِ برآمد ءَ را برجاہ دارگ ءِ ھاترا توانمند بوت کنت۔ ایشی ءَ ابید چارہ (بشمول الفافہ)، گوشت ءُ گچینی زرعی پیداوار ءِ تہ ءَ کمک ءِ ھم ھوار کنگ بیت۔ دوئیں نیمگ پاکستان ءَ برآمدات ءَ گوں سیادی داروکیں کشت ءُ کشاری ءُ بنیاتی ڈھانچہ ءِ منصوبگ آنی کمک ءَ سعودی ملکیت ءِ ادارگ آنی ممکنہ کرد ءِ پٹ ءُ پول ءَ کن اَنت۔ دیوان ءَ کارپوریٹ کاشتکاری ءُ میکانائزیشن ءِ چیلنج آنی سپلائی ءِ واستہ دراجیں مدتی گیواری ءِ رنگ ءَ ھم چار ءُ تپاسی کنگ بیت، ایشی ءِ تہ ءَ کپاس ءِ وڑیں فصل آنی تہ ءَ ھم ھوار اِنت، ایشی ءِ تہ ءَ گرانیں نرخ ءُ دستی ان پٹ ءِ گیشیں ھرچ ءُ درچ ءَ مقابلہ ءِ تہ ءَ را متاثر کتگ۔ وزیر کامرس ءَ گوشت کہ برآمدات ءِ سر ءَ بنیات ءِ سرمایہ کاری ماڈل زرعی پیداوار ءَ را زندگ کنگ ءَ کمک کت کنت وھدیکہ ٹیکسٹائل ءُ سوت ءِ شوبگ ءُ ایشی ءَ گوں سیادی داروکیں صنعت آناں کمک کت کنت۔ گند ءُ نند ءِ ساھت ءَ سعودی عرب ءِ وزیر ابراہیم المبارک ءَ کزبی تربیت ءُ مہارت ءِ دیمروئی ءِ ھوالگ ءَ سعودی عرب ءِ تجربگ ءِ بابت ءَ شیئر کت ءُ پاکستان ءِ گوما ٹرین ٹو ڈیپلو ماڈل ءِ کارمرد کنگ ءِ سر ءَ پچیں دلگوشی ءِ درشان کت۔ سعودی نیمگ ءَ چوناھا، سنگ مرمر، مجموعہ ءُ اے دگہ چیز آنی واستہ درآمد ءِ لوٹ آناں پیلو کنگ ءِ سر ءَ تران کت کہ آ دمگی تک ءَ دست نہ کپ اَنت۔ اے گپ ءِ سر ءَ تپاک کنگ بوت کہ پاکستانی سپلائر ءُ سعودی بلڈنگ میٹریل ٹریڈنگ کمپنی آنی نیام ءَ براہ راست نجی شعبہ ءِ ھوار بوھگ ءِ سر ءَ دلگوشی دیگ ءَ چہ بنداتی آسراتی رس ایت۔ دوئیں نیمگ ءَ دوا ءُ درمان، کھلونہ، جوتے ءُ لائٹ مینوفیکچرنگ ءِ تہ ءَ کمک ءَ را گیش کنگ، پاکستان ءِ دیمروئی کنوکیں صنعتی بنجاہ ءِ منگ ءُ دمگی ءُ جھان ءِ مارکیٹ آناں نشانگ جوڑ کنوکیں یکجائی منصوبگ، کثیر کارخانہ ءُ اسپلٹ پروڈکشن ماڈل ءِ گنجائش ءِ سر ءَ ھم ھیال ءُ لیکہ ءِ درشانی کت۔ گند ءُ نند ءَ ھاسیں ورکشاپ ءُ کاروباری رابطہ آنی وسیلگ ءَ پیلو کنگ ءِ سر ءَ تپاک کنگ بوتگ، ایشی ءِ مول ءُ مراد پالیسی ءِ یکوئی ءَ را ٹھوس تجارتی روانی، سرمایہ کاری منصوبگ، ءُ روزگار ءِ موہ آنی تہ ءَ بدل کنگ اِنت، پاکستان ءُ سعودی عرب ءِ اقتصادی سیادی آناں گیش مھکم کنگ اِنت۔