وزیر جان سلامتی سید  مصطفی کمال ءَ چہ آیوکیں وھد ءَ را نادراھی آنی چہ رکھینگ ءِ واستہ موثر گامگیج زورگ بوھگ ءَ انت، پیشگی ویکسینیشن ءِ نظام نوکیں لیکہ آنی سر ءَ جوڑ کنگ بوھگ ءَ انت

اسلام آباد۔11فروری  (اے پی پی): وفاقی جان سلامتی ءِ وزیر صدا مصطفیٰ کمال ءَ گوشت کہ حکومت ملک ءِ آیوکیں وھد ءَ را نادراھی آناں چہ رکھینگ ءِ واستہ جوانیں گامگیج چست کنگ ءَ انت ءُ رکگ ءِ ویکسینیشن ءِ نظام نوکیں لیکہ آنی سر ءَ جوڑ کنگ بوھگ ءَ انت۔ آئی ءَ اے گامگیج آنی درشانی فیڈرل پروگرام فار پریونٹیو ویکسینیشن (ای پی آئی) ءِ چیر دستی ءَ شمسی نظام ءِ ایر کنگ ءِ مراگش ءَ گوں تران کنان ءَ کت۔ آئی ءَ گوشت کہ سرجمیں دگنیا ءَ 55 ءَ چہ گیش نادراھی آنی گر ءُ دار ءِ واستہ ویکسین دست کپگ ءَ انت، سعودی عرب ءَ 43 رنگ ءِ نادراھی آنی گر ءُ دار ءِ واستہ ویکسین دیگ بوھگ ءَ انت وھدیکہ پاکستان ءَ اے وھد ءَ زھگ آناں 13 رنگ ءِ ویکسین پجارینگ بوھگ ءَ انت ایشی ءِ تہ ءَ گریوا ءِ کینسر ءِ گر ءُ دار ءِ ویکسین ھم ھوار انت کہ ڈبلیو ایچ او ءَ دست کپ ایت۔ اے گاوی ءُ دگہ میاں اوستمانی بینک آنی کمک ءَ گوں گرگ بوھگ ءَ اِنت۔ سد مصطفیٰ کمال ءَ گوشت کہ لھتیں سال پیسر کورونا ءِ وبا ءِ وھد ءَ امریکہ، چین، ھندوستان ءُ یورپ ءِ بازیں ملک آنی جان سلامتی ءِ نظام آماچ بوتگ۔ آئی ءَ گوشت کہ جان سلامتی ءِ واستہ اسپتال جوڑ کنگ ایوک ءَ نہ انت بلکینگ ءَ نادراھی آنی گر ءُ دار ءِ سر ءَ دلگوشی دیگ المی انت پرچا کہ جان سلامتی ءِ نظام زھگ ءِ ودی بوھگ ءَ چہ بندات بیت۔ وفاقی وزیر ءَ گوشت کہ حکومت انڈونیشیا، چین ءُ سعودی عرب ءَ چہ نوکیں ٹیکنالوجی ءَ آرگ ءَ انت وھدیکہ سعودی عرب ءَ چہ 11باسکی ڈل ءَ گوستگیں روچاں پاکستان ءِ تر ءُ تاب کتگ۔ آئی ءَ گوشت کہ گاوی ءُ ایندگر میاں اوستمانی ادارگ آنی کمک ءَ سولرائزیشن سسٹم چالو کنگ بوتگ ءُ یک میگاواٹ بجلی پیداک کنگ بوھگ ءَ انت، ایشی ءَ چہ ھرچ وڑیں ایمرجنسی یا بجلی ءِ بندش ءِ وھد ءَ ایمنی ءِ ھاترا دل یکیمی کنگ بیت۔ مصطفیٰ کمال ءَ گوشت کہ یونیورسل ہیلتھ انشورنس ءِ چیر دستی ءَ اسلام آباد، آزات کشمیر ءُ گلگت بلتستان ءِ 11 ہزار 600 شھمکی ءَ را علاج ءِ آسراتی پجاری کنگ بوتگ۔ پمز ءَ ابید شھمکی 13 دگہ ہسپتال آنی تہ ءَ علاج کنگ بوھگ ءَ انت تانکہ پمز ءُ پولی کلینک آنی سر ءَ نادراہ آنی دباؤ کم کنگ بہ بیت۔ مراگش ءَ گوں تران کنان ءَ ڈائریکٹر جنرل ایف ڈی آئی موسی خان ءَ گوشت کہ بااختیار کنگ ءِ پروگرام زھگ آنی رکھینگ ءِ واستہ جزم اِنت، ءُ ماحول دوست ءُ نوکیں سولرائزیشن سسٹم ءِ ایر کنگ ءَ چہ وینس ءِ دراجیں مدت ءِ رکھینگ ءَ را دل یکیمی کنگ بیت۔ آئی ءَ گوشت کہ یک میگاواٹ سبز توانائی ءَ چہ وینس ءِ سپلائی چینل ءِ برجائی ءَ کمک رسیت وھدیکہ آپریشنل ھرچ ءُ درچ ءَ ھم مزنیں کمی یے کیت۔