رقمی اسلامک بینک ءِ ڈیجیٹل بینکنگ کن لیسن جاری، پاکستان اٹ بینکاری نا بشخ ءِ مون آ دننگ رسینگک، پاکستان و کویت نا تعلقداری تے زرکاری، واپار و زرگزرانی کمکاری ٹی بدل کننگ ناءِ، وزیراعظم شہباز شریف

اسلام آباد۔ 10 فروری (اے پی پی) وزیراعظم محمد شہباز شریف پاکستان وکویت نا سیاسی تعلقداری تے زرکاری ، واپارو زرگزرانی کمکاری ٹی بدل کننگ نا گرج آ زور شاغسا پارینے کہ ہڑتوم آ ملک آتا دہائی تیا تالان ایلمی تعلقداری ءِ، شونداری وشونہالی نا اسیجائی ہدف آتے عملی دروشم اس تننگ کن سنبرینگوک اُن۔ اوداخیال آتا درشانی ءِ سے شنبے نادے آ داڑے رقمی اسلامک بینک ءِ ڈیجیٹل لیسن جاری کننگ نا دود آن تران کرساکرے۔ وزیراعظم لیسن نا جاری کننگ آ رقمی بورڈ انا چیئرمین و تعلقدار کمامدارآتے مبارکبادی تس۔ اوپارے کہ رقمی بینک ءِ ڈیجیٹل بینکنگ کن لیسن جاری کننگ پاکستان۔ کویت تعلقداری کن بھاز اہم ءِ، داڑآن پاکستان اٹ بینکاری نا بشخ ءِ مون آ دننگ ملک، سیاسی تعلقداری تے زرگزرانی کمکاری ٹی بدل کننگ اہمیت تخک۔ اوپارے کہ پاکستان و کویت نا تعلقداری تے زرکاری ، واپار وزرگزرانی کمکاری ٹی بدل کننگ نا ءِ، اقتصادی شریداری کن کویتی سرکڑدہ غاتون ااواری اٹ مون آ ہِننگ کن سنبرینگوک اُن، شونداری و شونہالی نا اسیجائی ہدف آتے عملی دروشم اس تننگ کن سبنرینگوک اُن۔ سی ای او رقمی اسلامک بینک عمیر اعجاز پارے کہ شرعی اصول آتا رداٹ بینکاری نا مون آدننگ رقمی بینک انا عزم ءِ، رقمی ڈیجیٹل بینکنگ پاکستان اٹ کیش لیس زرگزران نا کنڈآ اہم پیش رفت ءِ، رقمی بینک ءِ واپاری سرجزآتیکن لیسن ملنگ اہم مزل نا نشان ءِ، غٹ زند انا بشخ آتا مالیاتی نظام اٹی شمولیت کن سنبرینگوک اُن، غٹ زند انا بشخ آتا شونداری کن وارخواہی تا فراوانی اولیت مریک۔ چیئرمین رقمی بورڈ عبداللہ مطیری پارے کہ رقمی ڈیجیٹل بینک ءِ واپاری سرجزآتیکن لیسن نا جاری کننگ تاریخی ءُ وخت اسے، دا گام پاکستان و کویت نا نیام اٹ خڑکی تعلقداری نا ہم ڈیک ءِ، شونداری  و شونہالی نا اسیجائی ہدف آتیکن اواری اٹ کاریم کننگ کن سنبرینگوک اُن، پاکستان و کویت نا نیام اٹ خڑکی ایلمی تعلقداری ءِ۔ اوپارے کہ ہڑتوم آملک آتا نیام اٹ سیاسی تعلقداری تے زرگزرانی شوناری کن کاریم اٹ اتنگ ناءِ، پاکستان زرکاری کن بھاز اہم ءُ ملک اسے، رقمی بینک انا بناپاکستان نا شاندار زرگزرانی آخبت آ پت انا درشانی ءِ۔ دود اٹی وزیراعظم چیئرمین رقمی بورڈ عبداللہ مطیری ءِ رقمی اسلامک بینک اکن ڈیجیٹل لیسن تس۔