انڈونیشیا ءِ وزیر روزان روسلانی ءَ نائب مزن وزیر ءُ دری کارانی وزیر اسحاق ڈار ءَ گوں گند ءُ نند کت، دو نیمگی اقتصادی سیادی ءَ را مھکم کنگ ءِ بابت ءَ گپ ءُ تران بوت

اسلام آباد۔10فروری  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ انڈونیشیا ءِ سرمایہ کاری اینڈ ڈاؤن سٹریم انڈسٹری  ءِ وزیر ءُ ساورن ویلتھ فنڈ  ءِ  چیف ایگزیکٹو آفیسر روزان روسلانی  ءَ گوں گند ءُ نند کت۔ درئی کارانی کارگس ءِ رد ءَ اے موہ ءِ سر ءَ گپ ءُ تران ءِ مول ءُ مراد پاکستان ءُ انڈونیشیا ءِ اقتصادی ءُ سرمایہ کاری سیادی ءَ را گیش مھکم کنگ بوتگ ایشی ءِ تہ ءَ دوئیں نیمگ ءَ چہ فائدگ مندیں منصوبگ آنی سر ءَ کمک ءُ ھیال ءُ لیکہ آنی بدلی ءِ واستہ اوست کتگیں  موہ ھوار اَنت۔ دوئیں نیمگ ءَ ساورن  ویلتھ فنڈ  ءِ ماڈل آنی سر ءَ ھم ھیال ریچی کنگ بوت ءُ دو نیمگی کمک ءِ ارزشتیں ایں باسک  آنی رنگ ءَ تجارت ءُ سرمایہ کاری ءِ ارزشت ءِ   پدا زور پر دات۔