وفاقی وزیر ڈاکٹر مصدق ملک ءَ گوشت کہ چاگردی آفت نسل آناں پدا گریبی ءِ تہ ءَ کشگ ءَ انت ءُ جی ڈی پی، وانگ ءُ زانگ ءُ چاگردی استحکام ءَ را سک باز تاوان دیگ ءَ انت

کراچی ۔10فروری  (اے پی پی): موسمیاتی بدلی ءُ موسمیاتی مٹ ءُ بدلی  ءِ وفاقی وزیر ڈاکٹر مصادق ملک ءَ گوشت کہ چاگردی آفت نسل آناں پدا گریبی ءِ تہ ءَ کشگ ءَ انت، جی ڈی پی، وانگ ءُ زانگ ءُ چاگردی استحکام ءَ را سک باز تاوان دیگ ءَ انت، ورنا آنی سروکی ءَ چاگردی گیواری ءُ ورچوئل گرین یونیورسٹی ءِ دیمروئی ءِ ھاترا عمل کنگ بیت۔ گامگیج. سئے شمبے ءِ روچ ءَ وزارت ءِ موسمی مٹ ءُ بدلی ءُ موسمیاتی ریزیلینس ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی کراچی ءَ برجم داشتگیں چارمی پاکستان موسمی کانفرنس ءَ گوں تران کنان ءَ کت۔ آئی ءَ ھشدار داتگ کہ موسمی مٹ ءُ بدلی ءَ پاکستان ءِ واستہ ایکو ناشرکاری ءِ رنگ زرتگ۔ آئی ءَ گوشت کہ پاکستان اگاں چہ 3-4درسد اقتصادی دیمروئی ءِ شرح ءَ سر بوھگ ءَ اِنت بلے باقاعدگی ءَ بار بار سیلاب ءِ سبب ءَ جی ڈی پی ءَ را 7-10درسد تاوان بیت۔ اقتصادی تاوان ءَ ابید آئی ءَ انسانی جانانی مزنیں تاوان ءِ نیمگ ءَ ھم دلگوش گور کتگ ءُ گْوشتگ کہ سیلاب ءِ تہ ءَ 6000 ءَ چہ گیش مردم بیران بوتگ اَنت وھدیکہ 40 ملین مردم بے لوگ بوتگ اَنت کہ ایشانی تہ ءَ 20 ملین زھگ ھم چہ وانگ ءُ زانگ ءَ زبھر بوتگ اَنت۔ ڈاکٹر مصدق ملک ءَ گوشت کہ چاگردی آفت آنی سبب ءَ سرجمیں نسل آناں پدا گریبی ءِ تہ ءَ کش اتگ کہ ایشی ءَ چہ جی ڈی پی، وانگ ءُ زانگ ءُ چاگردی برجائی ءَ را سک باز تاوان رسیت۔ آئی ءَ جھان ءِ چاگردی بے ھیالی ءِ سر ءَ ایراد گپتگ ءُ گْوشتگ کہ لھتیں ملک کاربن ءِ کشگ ءِ مزنیں بھرے پیداک کن اَنت ءُ دیمروئی کنوکیں ملکاں ایشی ءِ آسر برداشت کنگی اَنت۔ آئی ءَ گوشت کہ نام نہاد گرین فنانسنگ باز براں وام ءِ رنگ ءَ بیت۔ ءُ کوھنیں وام آنی نوکیں رنگ ءَ منظوری ءِ بزانت ایش اِنت کہ پہ جان سلامتی ءُ وانگ ءُ زانگ ءَ داتگیں زرّ نوک جوڑی ءُ وام ءِ پچ گرگ ءِ نیمگ ءَ دیم دیگ بنت۔ موسمیاتی موافقت ءِ ارزشت ءِ سر ءَ زور پر دیان ءَ آئی ءَ گوشت کہ اگاں سیلاب ءَ را سرجمی ءَ بند کنگ نہ بیت بلے جوانیں منصوبگ بندی ءِ وسیلگ ءَ ایشی ءِ اثر آناں کم کنگ بیت، ایشی ءِ تہ ءَ قدرتی سیلاب ءِ دمگ، مینگرو، جنگل آنی رکھینگ، زمینی آپ ءِ ریچارج کنگ ءُ ساپیں دریا آنی بحالی ھوار اِنت۔ استیں وسیلگ آناں بحال کنگ، استیں انفراسٹرکچر ءَ را گیش کنگ ءُ موسمیاتی رد ءَ نوکیں نظام ءِ جوڑ کنگ ءِ واستہ دہ نکاتی حکمت عملی ءِ رد ءَ ڈاکٹر مصدق ملک ءَ صنعت آنی سر ءَ زور پر دات کہ آ ورنا آنی سروکی ءَ سبزیں نوکیں چیز آنی تہ ءَ سرمایہ کاری بہ کن اَنت۔ آئی ءَ جار جت کہ ورنا آنی سروکی ءَ چاگردی گیواری ءِ گامگیج ءَ پد ورچوئل گرین یونٹی سروک دیوان ءِ بندات کنگ بیت کہ ایشی ءِ مول ءُ مراد پائیداریں کار ءُ کرد ءُ کارروائی آناں دیمروئی دیگ اِنت۔