ڈاکٹر طارق فضل چوہدری ءَ گوشتگ  کہ ناشرکاری ءُ اوگانستان ءِ نیمگ ءَ چہ بیپار یکجاہ بوت نہ کن انت

اسلام آباد۔10فروری  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ اوگانستان ءَ چہ ناشرکاری ءُ بیپار یکجاہ بوت نہ کنت۔ اوگانستان ءَ چہ سیمسر ءِ راہ بند کنگ ءَ پد 1100 ءَ چہ گیش پاکستانی وتی ڈیھ ءَ واتر بوتگ اَنت ءُ اوگانستان ءِ گوما بالی ٹریفک برجاہ اِنت۔ سئے شمبے ءِ روچ ءَ قومی اسمبلی ءَ نوٹس ءِ پسو ءَ ڈاکٹر طارق فضل چوہدری ءَ ایوان ءَ گوں تران کنان ءَ گوشت کہ اے وھد ءَ 947 پاکستانی نودربر اوگانستان ءَ اَنت ءُ مئے سفارت خانہ ایشانی گوما رابطہ ءَ اِنت۔ انجم اقل ءِ جست ءِ پسو ءَ آئی ءَ گوشت کہ اوگانستان ءَ وانگ ءِ کلیں کساس 2050 انت ایشانی تہ ءَ گیشتر کابل ءُ جلال آباد ءِ میڈیکل ڈیپارٹمنٹ ءَ وانگ ءَ انت۔ مرز ءِ بند کنگ ءَ پیسر آ راہ ءَ اتکگ ءُ شتگ اتنت۔ اکتوبر 2025 ءَ پاکستانی چیک پوسٹ ءِ سر ءَ نفوذ ءُ اُرش ءَ پد اے سیمسر بند کنگ بوتگ۔ ایشی ءَ پد پاکستان ءَ بدلی گپت، گپ ءُ تران ھم بوت بلے طالبان سرکار اے گپ ءِ ضمانت دیگ ءَ تیار نہ بوت کہ آ چہ وتی سیمسر ءَ نفوذ ءَ بند کنت۔ آئی ءَ گوشت کہ 1100 پاکستانی نودربر بالی گراب ءَ واتر بوتگ انت ءُ بقیہ وتی وانگ ءَ برجاہ دارگ ءَ انت۔ دوئیں ملک آنی نیام ءَ بالی ٹریفک برجاہ اِنت۔