پاکستان، کمبوڈیا پیداوار ءِ ھرچ ءُ درچ ءَ را کم کنگ، معتبریں سپلائی چین ءَ را دل یکیمی کنگ، تجارتی آسراتی ءَ را گیش کنگ ءُ رسد ءِ رابطہ ءَ را گہتر کنگ ءِ سر ءَ تپاک

اسلام آباد۔10فروری (اے پی پی): پاکستان ءُ کمبوڈیا ءِ نیام ءَ پیداواری ھرچ ءُ درچ ءَ را کم کنگ، معتبریں سپلائی چین ءَ را دل یکیمی کنگ، تجارتی آسراتی ءَ را گیش کنگ ءُ رسد ءِ رابطہ ءَ را گہتر کنگ ءِ سر ءَ تپاک کتگ۔ سئے شمبے ءِ روچ ءَ پاکستان ءُ کمبوڈیا ءِ اقتصادی کمک ءَ را گیش مھکم کنگ ءِ واستہ وفاقی وزیر تجارت جام کمال خان ءُ کمبوڈیا ءِ وزیر تجارت چام نیمول ءَ پری جوائنٹ ٹریڈ کمیٹی ءِ دیوان کت۔ مشترکہ بیپاری کمیٹی ءِ دومی دیوان 10 ءُ 11 فروری ءَ اسلام آباد ءَ بیت۔ جے ٹی سی ءِ بنداتی دیوان 21 جنوری 2025 ءَ پنوم پین ءَ برجم دارگ بوتگ ات۔جے ٹی سی ءَ چہ پیسر ءِ دیوان ءَ دوئیں وزیر آنی نیمگ ءَ دواسازی ءُ جان سلامتی ءِ چیز، ٹیکسٹائل، ویلیو ایڈڈ اپریل، ایگرو پروسیسنگ، ایگرو پروسیسنگ، زراعت ءَ ھوار اولیت ءِ شوبگ آنی تہ ءَ کمک ءَ را گیش کنگ ءِ موہ آنی سر ءَ چار ءُ تپاسی کنگ بوت۔ دوئیں نیمگ ءَ چیمبر آف کامرس ءُ سیکٹر ایسوسی ایشن ءِ وسیلگ ءَ کاروباری رابطہ ءَ را مھکم کنگ ءِ سر ءَ تپاک کنگ بوتگ تانکہ پالیسی ءِ گپ ءُ تران ءَ را ٹھوس تجارتی آسر آنی تہ ءَ بدل کنگ بہ بیت۔ ایشاں برآمد کنوک آنی کمک ءِ واستہ کارآمد جہاز رانی ءُ دمگی رابطہ کاری ءِ ارزشت ءِ سر ءَ زور پر دات۔ گند ءُ نند ءِ گڈ ءَ دوئیں وزیراں دل یکیمی ءِ درشانی کت کہ آیوکیں جے ٹی سی ءِ گپ ءُ تران ءَ چہ ترجیحی شعبہ ءُ عملی ڈیلیوریبلز ءِ پجارینگ ءَ کمک رسیت، ایشی ءَ چہ پائیدار کمک ءِ وسیلگ ءَ پاکستان ءُ کمبوڈیا ءِ اقتصادی سیادی ءَ را گیش مھکم کنگ بیت۔