سینیٹ ءِ چیئرمین سید یوسف رضا گیلانی ءَ امارات ءِ فیڈرل نیشنل کونسل ءِ اسپیکر صقر غوبش ءَ گوں گند ءُ نند کت، دوئیں ملک آنی نیام ءَ گہتریں، تاریخی ءُ براتی سیادی آنی بابت ءَ گپ ءُ تران

ابوظہبی ۔10فروری (اے پی پی): سینیٹ ءِ چیئرمین سید یوسف رضا گیلانی ءَ ابوظہبی ءَ متحدہ عرب امارات ءِ فیڈرل نیشنل کونسل ءِ اسپیکر صقر غوبش ءَ گوں گند ءُ نند کت، ایشی ءِ تہ ءَ دوئیں ملک آنی نیام ءَ گہتریں، راجدپتری ءُ براتی سیادی آنی سر ءَ گپ ءُ تران کت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیام ءَ پاکستان ءُ متحدہ عرب امارات ءِ نیام ءَ استیں گہتریں، راجدپتری ءُ براتی سیادی آنی سر ءَ سرجمیں رنگ ءَ گپ ءُ تران بوتگ کہ ایشی ءِ بنیات وت مہ وتی احترام، یکجائی اقدار ءُ دراجیں مدت ءِ کمک ءِ سر ءَ اِنت۔ دوئیں نیمگ ءَ گوستگیں سال آنی تہ ءَ دو نیمگی سیادی آنی تہ ءَ مزنیں پیشرفت ءِ سر ءَ وشی ءِ درشان کنگ بوتگ ھاسیں رنگ ءَ تجارت، سرمایہ کاری ءُ مردم آنی نیام ءَ مردم آنی رابطہ آنی شوبگ آنی تہ ءَ گیش بوھوکیں کمک ءِ سر ءَ دل یکیمی ءِ درشان کنگ بوتگ۔ سینیٹ ءِ چیئرمین سید یوسف رضا گیلانی ءَ گرمیں مہمان داری ءِ سرا اسپیکر صقر غوبش ءِ منت گپت ءُ پاکستان ءِ اقتصادی برجائی ءِ تہا امارات ءِ جوانیں ءُ موثر کرد ءِ ساڑات۔ آئی ءَ پاکستان ءَ 10ارب ڈالر ءِ سرمایہ کاری ءِ امارات ءِ عزم ءَ را دوئیں ملک آنی نیام ءَ بھروسہ ءُ مھکمیں شریکداری ءِ یک ھاسیں مثال ءِ رنگ ءَ گوشت۔ چیئرمین سینیٹ ءَ اسپیکر فیڈرل نیشنل کونسل ءَ را پاکستان ءِ تر ءُ تاب ءِ واستہ باقاعدہ دعوت ہم داتگ ات کہ آئی ءَ اے گپ ءَ را وشی ءَ گوں من اِتگ ات ءُ گشتگ ات کہ آ زوت پاکستان ءِ تر ءُ تاب ءِ ودار ءَ انت۔ آئی ءَ گوشت کہ اے تر ءُ تاب ءَ چہ پارلیمانی کمک ءَ را مھکم کنگ ءَ کمک رسیت ءُ نوکیں پڑ آنی تہ ءَ کمک ءِ واستہ موہ آنی شوھازگ ءَ کمک رسیت۔ گند ءُ نند ءَ پارلیمانی سفارتکاری، تجارت، سرمایہ کاری ءُ دمگی ءُ جھان ءِ معاملہ آنی سر ءَ ھم سرجمیں رنگ ءَ گپ ءُ تران کنگ بوت۔ دوئیں بامرد آں خطہ ءِ تہا امن ءُ ایمنی ءُ وشحالی ءِ دیمروئی ءِ واستہ یکجائی کوشست ءِ ضلورت ءِ سرا زور پر دات۔ آئی ءَ گوشت کہ اے گند ءُ نند ءَ چہ پاکستان ءُ امارات ءِ نیام ءَ گہتریں دوستی ءِ سیادی گیش مھکم بنت ءُ آیوکیں وھد ءَ دو نیمگی کمکی ءَ را گیش دیمروئی رسیت۔