جولائی ءُ جنوری 2026 ءِ تہا دیمروئی منصوبہانی تہا 5.5 ارب کلدار ءِ بچت بوتگ، پروفیسر احسن اقبال

اسلام آباد۔9فروری (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ جولائی ءَ چہ جنوری 2026 ءِ ساھت ءَ دیمروئی منصوبگ آنی تہ ءَ 5.5ارب کلدار ءِ بچت کنگ بوتگ، ایشی ءَ چہ مالیاتی نظم و ضبط ءِ گہتری ءُ اصلاحات ءِ سر ءَ بنیات ءِ سر ءَ حکومت داری ءِ درشان اِنت۔ مزن وزیر محمد شہباز شریف ءَ رمضان ریلیف پیکج ءِ چیر دستی ءَ 13ہزار کلدار ءِ وظیفہ ءِ منظوری داتگ ءُ اے پیسلہ کنگ بوتگ کہ کم آمدنی ءِ ھاندان آنی کمک ءِ واستہ اے پروگرام ءَ را دگہ یک ءُ 7ملین ھاندان آنی تہ ءَ سر کنگ بہ بیت۔ آئی ءَ وزارت ءِ منصوبہ بندی، دیمروئی ءُ ھاسیں گامگیج آنی آڈیٹوریم ءَ ماہانہ دیمروئی رپوٹ ءِ بنگیج ءِ مراگش ءَ گوں تران کنان ءَ گشتانک دیگ ءَ ات۔ اے موہ ءِ سر ءَ حکومتی اصلاحات ءِ ھوالگ ءَ سرجمیں رپورٹ ھم پیش کنگ بوت، ایشی ءِ تہ ءَ برجاھیں اصلاحات آنی کارکردگی ءُ آسر آناں ساڑات کنگ بوت۔ پروفیسر احسن اقبال ءَ گوشت کہ جولائی ءَ بگر داں جنوری ءَ 7.2 کھرب کلدار ٹیکس جم کنگ بوتگ وھدے کہ گوستگیں مالی سال ءِ ھمے وھد ءَ اے زرّ 6.5 کھرب کلدار بوتگ۔ آئی ءَ گوشت کہ اے وھد ءَ دیمروئی منصوبگ آنی واستہ 555ارب کلدار منظوری کنگ بوتگ، ایشی ءِ تہ ءَ وزارت ھزانگ ءَ 338ارب کلدار ریلیز کتگ، وھدیکہ 272ارب کلدار پیسر ءَ چہ ھرچ کنگ بوتگ۔ وزیر ءَ درملکی آمدنی ءِ تہ ءَ گہتری ءِ گپ ءِ سر ءَ گوشت کہ جولائی ءَ بگر داں جنوری ءِ تہ ءَ زرّ ءِ دیم دیگ 19.7ارب ڈالر ءَ سر بوتگ کہ اے ملک ءِ معیشت ءِ سر ءَ درملکی پاکستانی آنی گیش بوھوکیں بھروسہ ءِ نشانی اِنت۔ آئی ءَ گوشت کہ ٹیکس اصلاحات ءِ سر ءَ سک باز عمل کنگ بوھگ ءَ انت ءُ اے اصلاحات ٹیکس چوری ءَ را کنٹرول کنگ ءَ کمک رسیت۔ کرپشن ءِ ھوالگ ءَ استیں لیکہ ءِ حوالہ ءَ آئی ءَ گوشت کہ پاکستان ءِ ردیں امیج لھتیں تک آنی نیمگ ءَ پیش کنگ بوتگ۔ چیمبرز آف کامرس اینڈ انڈسٹری ءِ سروے ءِ رد ءَ رشوت ءِ شرح 27 درسد ءِ رپورٹ کنگ بوتگ وھدے کہ راجمان ءِ ھیال ءِ برخلاف 67 درسد نہ اِنت۔ پروفیسر احسن اقبال ءَ ملک ءِ بابت ءَ بار بار منفی بیانیہ ءِ سرا ایراد گپتگ ءُ گشتگ کہ ایشی ءَ چہ ایوک ءَ ناامیتی شنگ بیت۔ آئی ءَ گوشت کہ انٹرنیشنل مانیٹری فنڈ ءِ منیجنگ ڈائریکٹر ءَ ھم پاکستان ءِ اقتصادی کارکردگی ءِ سر ءَ دل یکیمی ءِ درشان کتگ ءُ جھان ءِ تک ءَ گہتری ءِ نشانی گندگ ءَ انت۔ آئی ءَ گوشت کہ پاکستان نوں کم کم ءَ اقتصادی برجائی ءُ دیمروئی ءِ نیمگ ءَ رھادگ بوھگ ءَ انت۔ آئی ءِ رد ءَ جولائی ءَ بگر داں جنوری ءِ تہ ءَ مہنگائی ءَ 5.2درسد گیشی بوتگ وھدے کہ جنوری ءَ موسمی سبب آنی سبب ءَ کمیں گیشی بوتگ۔