اسلام آباد۔9فروری (اے پی پی): سینیٹر فیصل واوڈا  ءَ صدر آصف علی زرداری ءَ گوں گند ءُ نند کتگ۔ گند ءُ نند ءَ وت مہ وتی دلچسپی ءِ جیڈھ آنی سر ءَ گپ ءُ تران کنگ بوت۔ گند ءُ نند ءَ سینیٹر سلیم مانڈوی والا ءُ ڈاکٹر عاصم حسین ءَ ہم بہر زرتگ۔ دوشمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ پیپلز پارٹی ءِ مزنیں سروک امتیاز شیخ ءَ ھم صدر ءَ گوں گند ءُ نند کتگ، ایشی ءِ تہ ءَ سندھ ءَ گوں سیادی داروکیں جیڈھ آنی سر ءَ چار ءُ تپاسی کنگ بوتگ۔ گند ءُ نند ءَ پیسریگیں مزن وزیر راجا پرویز اشرف ءُ سینیٹر فیصل اودا ھم ساڑی ات ۔ گند ءُ نند آنی تہ ءَ ملک ءِ انوگیں سیاسی جاور ءُ پارلیمانی کار آنی سر ءَ گپ ءُ تران کنگ بوت۔