اسلام آباد۔9فروری (اے پی پی): سری لنکا ءِ صدر انورا کمارا دسنایکے ءَ مزن وزیر محمد شہباز شریف ءَ را لوٹ کتگ کہ پاکستانی کرکٹ ٹیم سری لنکا ءَ پاکستان ءُ ہندوستان ءِ نیام ءَ میچ بہ کنت وھدیکہ مزن وزیر ءَ سری لنکا ءِ صدر ءَ چہ لوٹ کتگ کہ آ پاکستان ءِ ٹی دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ سری لنکا ءِ صدر انورا کمارا دسنایکے ءِ نیام ءَ ٹیلی فون ءِ سر ءَ رابطہ بوتگ۔ سری لنکا ءِ صدر ءَ مزن وزیر شہباز شریف ءَ را دزبندی کتگ کہ پاکستانی کرکٹ ٹیم سری لنکا ءَ بھارت ءِ ھلاپ ءَ شیڈول میچ بہ کنت۔ آئی ءَ گوشت کہ سری لنکا ءَ ناشرکاری ءِ وھد ءَ پاکستان ءَ سری لنکا ءِ کرکٹ ءِ سرجمی ءَ کمک کتگ ۔ آئی ءَ گوشت کہ پاکستان ءَ سری لنکا ءِ گوما وتی دیریں سیادی ءَ را ہر چیز ءَ چہ گیش ترجی داتگ ءُ پاکستانی کرکٹ ٹیم ءَ ناشرکاری ءَ ابید ھم کرکٹ لیب ءِ واستہ سری لنکا ءِ تر ءُ تاب برجاہ داشتگ۔ مزن وزیر شہباز شریف ءَ سری لنکا ءِ صدر ءِ جذبات آناں وش اتک کت۔ آئی ءَ گوشت کہ پاکستان ءَ مشکلیں وھد ءَ سری لنکا ءَ ھم سرجمی ءَ کمک داتگ، پاکستان ءَ کرکٹ برجاہ بوتگ، ءُ گوستگیں روچاں سری لنکا ءِ ٹیم ءَ پاکستان ءِ تر ءُ تاب ءِ منسوخ نہ کنگ ءَ پاکستانی راج ءُ کرکٹ دوست آنی واستہ یک نا فراموشیں گامگیج ءِ زرتگ۔ مزن وزیر ءَ سری لنکا ءِ صدر ءَ را گوشت کہ ٹی ٹوئنٹی ورلڈ کپ ءِ پاکستان ءُ بھارت میچ ءِ ھوالگ ءَ شور ءُ سلاھ ءَ پد گڈی پیسلہ ءَ را کناں۔