صدر آصف علی زرداری ءَ جاپان ءِ مزن وزیر ءَ را ایوان ءِ تہ ءَ گچین کاری ءَ مزنیں سوبمندی ءِ سر ءَ مبارک بات داتگ

اسلام آباد۔9فروری  (اے پی پی): صدر آصف علی زرداری ءَ جاپان ءِ مزن وزیر ثنائے تاکائیچی ءَ را ایوان ءِ تہ ءَ وتی لبرل ڈیموکریٹک پارٹی ءِ گچین کاری ءَ مزنیں سوبمندی ءِ سر ءَ مبارک بات داتگ کہ ایشی ءِ آسر ءَ پارٹی ءَ ایوان ءِ نمائندگ آنی تہ ءَ ھاسیں اکثریت زرتگ۔ صدر گس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر آصف علی زرداری ءَ گوشت کہ اے فیصلہ کنوکیں گچین کاری سوبمندی جاپان ءِ الس ءِ مزن وزیر ثنائے تاکائیچی ءِ سروکی ءِ سر ءَ سرجمیں دل یکیمی ءُ جاپان ءَ را مھکم ءُ وشھال جوڑ کنگ ءِ جزم ءِ درشان اِنت۔ صدر آصف علی زرداری ءَ گوشت کہ معمولی پبلک مینڈیٹ کہ 1955 ءَ پد پارٹی ءِ واستہ ریکارڈ اِنت، جاپان ءِ واستہ یک نازرکیں موہ ءِ سر ءَ مزن وزیر ثناء تاکائیچی ءِ سیاسی رھشونی ءُ جزم ءِ گواہ اِنت۔ حکومت داری ءِ ایجنڈا راج ءِ اعتماد ءِ درشان اِنت۔ آئی ءَ مزن وزیر ثنائے تاکائیچی ءِ واستہ نیکیں واھگ آنی درشان کت ءُ گوشت کہ آ جاپانی راج ءِ نیمگ ءَ آئی ءَ را داتگیں ذمہ واری آناں سوبمندیں رنگ ءَ پیلو کنت ءُ دل یکیمی ءِ درشان کت کہ آئی ءِ سروکی ءَ جاپان استحکام، دیمروئی ءُ وشھالی ءِ راہ ءَ برجاہ بیت۔ صدر ءِ مملکت ءَ پاکستان ءُ جاپان ءِ نیام ءَ دوستی ءِ سیادی ءَ را گیش مھکم کنگ ءِ واھشت ءِ سر ءَ زور پر دات ءُ وت مہ وتی نپ ءِ جتا جتائیں شوبگ آنی تہ ءَ کمک ءَ را دیم ءَ برگ تانکہ دوئیں ملک آنی اُلس آناں سیت چست بہ کنت۔