اسلام آباد ءَ وت کُشیں  تراک ، اٹلی ءُ یورپی یونین ءَ سک مذمت کتگ ، تہی کارانی وزیر محسن نقوی ءَ یکوئی ءِ درشان

اسلام آباد۔9فروری  (اے پی پی): وفاقی وزیر داخلہ محسن نقوی ءَ گوں آئی ءِ اطالوی ہم منصب میٹیو پینٹے ڈوسی  ءُ یورپی کمشنر میگنس برینر ءَ رابطہ کتگ ءُ اسلام آباد ءَ بوتگیں وت کُشیں تراک ءَ را سک باز مذمت کتگ۔ اطالوی داخلہ ءِ وزیر میٹیو پینٹے ڈوسی   ءَ ناشرکاری اُرش ءِ تہ ءَ جانی تاوان ءِ سر ءَ سک باز دلپدردی درشان کتگ ءُ گوشت کہ اے غمناکیں وئیل ءِ ھال ءِ اشکنگ ءَ سک باز ھیران بوتگ۔ اٹلی ءِ حکومت ءُ مہلوک اے گرانیں وھد ءَ مئے پاکستانی برات ءُ گھار ءُ آماچیں کھول ءِ ھمراھی ءَ اوشتاتگ اَنت۔ ما ناشرکاری ءِ ھمک رنگ ءِ مذمت کن ایں ءُ اے یکجائی ھوپ ءَ گوں گر ءُ چیل بوھگ ءِ واستہ سرجمیں رنگ ءَ کمک ءِ واستہ تیار ایں ۔ دومی نیمگ ءَ یورپی کمشنر میگنس برینر ءَ ھم بیران بوتگیں مردمانی واستہ ھمدردی ءِ درشانی کتگ ءُ گوشتگ کہ اے غم ءِ ساھت ءَ مئے دعا پاکستان ءِ اُلس ءِ گوما اَنت۔ وفاقی وزیر داخلہ محسن نقوی ءَ یکوئی ءِ ھاتر ءَ جھان ءِ سروک آنی شگر ءُ منت گپت۔ آئی ءَ ناشرکاری ءِ ھلاپ ءَ پاکستان ءِ جزم ءِ یک رندے پدا گوشت کہ پاکستان سرجمیں دگنیا ءِ واستہ ناشرکاری ءِ ھلاپ ءَ جنگ ءَ سپر ءِ کرد ءَ پیلو کنگ ءَ انت۔ مرچی امن ءِ دژمنیں  مردم  چہ ملک ءَ را رکھینگ ءِ ھاترا جھان ءِ تک ءَ پیسر ءَ چہ گیش مھکم ءُ ھمگرنچیں گامگیج آنی ضلورت اِنت۔