یورپی یونین  ھاسیں  رنگ ءَ جی ایس پی پلس فریم ورک ءِ چیر دستی ءَ پاکستان ءِ ارزشتی ایں شریکدار اِنت، اسحاق ڈار

اسلام آباد۔9فروری  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءَ یورپی یونین ءِ گوما تجارتی ءُ اقتصادی سیادی ءَ را گیش کنگ ءِ سر ءَ زور پر دات۔ یورپی یونین ءِ گوما تجارتی ءُ اقتصادی سیادی ءَ را گیش کنگ ءِ ارزشت ءِ سر ءَ زور پر دیان ءَ آئی ءَ گوشت کہ یورپی یونین پاکستان ءِ مزنیں اقتصادی شریک انت ھاسیں رنگ ءَ جی ایس پی پلس فریم ورک ءِ چیر دستی ءَ۔ پاکستان ءَ جی ایس پی پلس ءِ چار دو سالی جائزہ سوبمندیں رنگ ءَ سرجم کتگ ءُ آیوکیں وھد ءَ ھم وتی درستیں ذمہ واری آنی سر ءَ سرجمی ءَ عمل کنگ ءَ برجاہ دار ایت۔ آئی ءَ اے ھیالانی درشانی یورپی یونین ءِ گوما پاکستان ءِ اقتصادی ءُ تجارتی کمک ءَ را مھکم کنگ ءِ واستہ کتگیں گامگیج آنی سر ءَ چار ءُ تپاسی ءِ واستہ برجم داشتگیں مزن تک ءِ بین وزارتی دیوان ءِ سروکی ءَ کنان ءَ کت۔ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ وزیر ءِ درئی کار محمد اسحاق ڈار ءَ یورپی یونین ءِ گوما تجارتی ءُ اقتصادی سیادی ءَ را گیش گہتر کنگ ءُ گیش کنگ ءِ سر ءَ زور پر دات ءُ گوشت کہ یورپی یونین ھاسیں رنگ ءَ جی ایس پی پلس فریم ورک ءِ چیر دستی ءَ پاکستان ءِ یک ھاسیں اقتصادی شریک اِنت۔ آئی ءَ اے گپ ءِ سر ءَ زور پر دات کہ پاکستان ءَ یورپی یونین ءِ گوما جی ایس پی پلس ءِ چار دو سالی چار ءُ تپاسی سرجم کتگ ءُ اے جزم ءِ سر ءَ زور پر دات کہ پاکستان اے اسکیم ءِ رد ءَ وتی سرجمیں ذمہ واری آناں سرجمی ءَ پیلو کنت تانکہ دوئیں نیمگ ءَ چہ فائدگ مندیں تجارتی موہ آناں گیش دیمروئی دیگ بہ بیت۔ گند ءُ نند ءَ وفاقی وزیر ءِ کانود ءُ انصاف، مزن وزیر ءِ ھاسیں کمکار طارق باجوہ، سیکرٹری درئی کار آمنہ بلوچ، سیکرٹری کامرس، داخلہ، اوورسیز پاکستانی ءُ انسانی حق، یورپی یونین ءَ پاکستان ءِ سفارت خانہ ءُ سیادی داروکیں وفاقی صوبہ ءِ مزنیں حکام ءَ بہر زرتگ۔