وزیر خزانہ محمد اورنگزیب العلا کانفرنس ءَ گوں تران

العلا۔9فروری  (اے پی پی): وفاقی وزیر خزانہ ءُ آمدنی، محمد اورنگزیب ءَ گوشت کہ اصل پالیسی چیلنج نہ ایوک ءَ قرض ءِ کساس  ءِ انتظام کنگ اِنت بلکیں لیکویڈیٹی (ادائینگ) ءِ دباؤ ءَ را ناکارہ کاری ءِ تہ ءَ بدل بوھگ ءَ چہ رکگ ءُ دیمروئی ءَ را دیم ءَ برگ ءُ چاگردی ھرچ ءُ درچ ءِ رکھینگ اِنت۔ وت واجہی ءِ قرض ءِ رسک آنی گوما گر ءُ چیل بوھگ ءِ واستہ بروقت گامگیج، مھکمیں ادارگ، شفافیت ءُ معتبریں پالیسی فریم ورک ءِ ضلورت اِنت۔ آئی ءَ اے گپ سعودی عرب ءِ شہر العلا ءَ العلا کانفرنس 2026ءِ ساھت ءَ وت واجہی ءِ وام ءِ رسک آنی گوما گر ءُ دار ءِ سرھال ءِ سر ءَ مزن تک ءِ گول میز ءِ سر ءَ گپ ءُ تران ءِ تہ بھر زوری کنان ءَ کت۔ اے کانفرنس سعودی عرب ءِ حکومت ءُ میاں اوستمانی مالیاتی فنڈ ءِ کمک ءَ کنگ بوھگ ءَ انت۔ وزیر خزانہ ءَ گوشت کہ جھان ءِ سرکاری وام ءِ تہ ءَ ھر وھد ءِ تہ ءَ مزنیں کساس ءِ سر ءَ اِنت، ایشی ءَ چہ وام ءِ سروسنگ ءِ ھرچ ءُ درچ ءِ تہ ءَ گیشی، مالیاتی جاور ءُ مالیاتی جاگہ ​​ءِ تہ ءَ کمیں جاگہ ​​ءِ وسیلگ ءَ دیمروئی کنوکیں ءُ دیمروئی کنوکیں معیشت آنی سر ءَ برجاھیں دباؤ ایر کنگ بوھگ ءَ اِنت۔ آئی ءَ گوشت کہ اصل پالیسی چیلنج ایوک ءَ قرض ءِ بوجھ ءِ انتظام کنگ نہ اِنت بلکیں لیکویڈیٹی ءِ دباؤ ءَ را قرض ءِ نہ دیگ ءَ بدل بوھگ ءَ چہ رکگ ءُ اے گپ ءَ را دل یکیمی کنگ اِنت کہ دیمروئی ءَ را گیش کنگ ءُ چاگردی ھرچ ءُ درچ ءِ رکھینگ بہ بیت۔ وزیر خزانہ ءَ سعودی عرب ءِ وزیر خزانہ محمد الجدان ءِ گپ آنی حوالہ دات کہ آئی ءَ گشتگ ات کہ اقتصادی استحکام دیمروئی ءِ برعکس نہ انت بلکیں پائیدار ءُ دراجیں مدتی اقتصادی توسیپ ءِ شرط انت۔ وزیر ءِ ھزانگ ءَ گوشت کہ پاکستان ءِ نوکیں تجربگ اے ھیال ءِ مھکمیں حمایت ءَ کنت۔ وزیر ءِ ھزانگ ءَ گوشت کہ پاکستان ءَ منظم اقتصادی پالیشی، ادارگی اصلاحات ءُ فعال وام بندی ءِ وسیلگ ءَ استحکام ءِ بحالی ءِ تہ ءَ بنداتی بلے بامردیں پیشرفت کتگ، بلے آئی ءَ اے گپ ھم من اِت کہ اصلاحات ءِ سفر انگت ءَ برجاہ اِنت۔ وزیر خزانہ ءَ گوشت کہ پاکستان سرکاری قرض ءِ کنٹرول ءُ جوانیں رنگ ءَ انتظام ءِ راہ ءَ انت، ایشی ءِ تہ ءَ قرض ءِ پچ گرگ ءِ وھد ءَ را گیش کنگ، قرض ءِ سروسنگ ءِ ھرچ ءُ درچ ءَ را کم کنگ ءُ لھتیں وام ءِ پیشگی ادا کنگ ھوار انت۔ اے گامگیج آنی آسر ءَ گوستگیں سئے سال آنی تہ ءَ وام ءِ تہ ءَ جی ڈی پی ءِ تناسب چہ 74درسد ءَ چہ نزیک ءَ 70درسد ءَ اتکگ وھدے کہ درائیں وام ءِ تہ ءَ جی ڈی پی ءِ تناسب ھما وڑ ءَ بوتگ۔ ایشی ءَ چہ سود ءِ ھرچ ءُ درچ ءِ تہ ءَ مزنیں بچت ، لیکویڈیٹی ءَ را ھموار کنگ ءُ ری فنانسنگ ءِ رسک آنی تہ ءَ کمی ءِ تہ ءَ ھم کمک رستگ۔ وزیر خزانہ ءَ گوشت کہ پاکستان ءَ آئی ءَ یک شلیں  ءُ ساپ ءُ سلہ ایں  وام ءِ پائیداری ءِ تجزیہ ءِ واستہ ادارگی فریم ورک ءِ سر ءَ ھم زور پر دات کہ آئی ایم ایف ءُ ورلڈ بینک ءِ طریقہ کار ءِ گوما ھمگرنچ اِنت ءُ ایشی ءِ تہ ءَ ملکی ءُ درملکی وام ءِ گوما سرکاری گارنٹی ھم ھوار اِنت۔ آئی ءَ گوشت کہ اے بدلی ءَ چہ رسک آنی جوانیں رنگ ءَ پجارینگ، وام دیوک آنی گوما جوانیں رنگ ءَ ھوار بوھگ ءُ مارکیٹ ءِ تہ ءَ اعتماد ءِ تہ ءَ گیشی بوتگ، اے جی ٹوئنٹی کامن فریم ورک ءِ مول ءُ مراد آنی رد ءَ اِنت۔ وزیر خزانہ ءَ ملکی وسیلگ آناں یکجا کنگ ءِ تہ ءَ پیشرفت ءِ ھم ذکر کت ءُ گوشت کہ پاکستان ءَ ٹیکس ءِ تہ ءَ جی ڈی پی ءِ تناسب ءَ مزنیں گیشی یے رستگ کہ گوستگیں وھد ءَ یک ہندسہ ءَ چہ 12درسد ءِ نزیک ءَ سر بوتگ ایشی ءِ سبب ٹیکس اصلاحات، ڈیجیٹلائزیشن ءُ ٹیکس ءِ بنیات آنی تہ ءَ گیشی بوتگ۔ اسٹرا محمد اورنگزیب ءَ پاکستان ءِ کوشست آناں موسمیاتی ءُ دیمروئی ءِ مول ءُ مراد آنی گوما یکجا کنگ ءِ کوشست آناں ھم پدر کت کہ ایشی ءِ تہ ءَ گرین سکوک ءِ جاری کنگ ءُ یک وت واجہیں وام ءِ مالی کمک ءِ فریم ورک ءِ جوڑ کنگ ھوار اِنت۔ وزیر خزانہ ءَ زور پر دات کہ وت واجہی وام ءِ رسک آنی گیواری ءِ واستہ وھد ءِ سر ءَ گامگیج، مھکمیں ادارگ، شفافیت ءُ معتبریں پالیسی فریم ورک ءِ ضلورت اِنت، ایشی ءِ کمک ءَ را جوانیں گلوبل کوآرڈینیشن ءِ وسیلگ ءَ کنگ بیت۔ آئی ءَ گوشت کہ ڈونر کمک ءَ را مھکم کنگ، ذمہ واری ءِ انتظامی آپریشن آنی موثر کارمردی ءَ را گیش کنگ ءُ موسمیاتی لچک ءَ را وام ءِ فریم ورک ءَ یکجا کنگ ءِ واستہ دیمروئی ءُ چاگردی استحکام ءِ رکھینگ ءِ وھد ءَ ابھریں وام آناں پائیدار رنگ ءَ انتظام کنگ ءِ واستہ المی بیت۔