وفاقی وزیر مذہبی امور ءِ سروکی ءَ علماء ءُ مشائخ   کونسل ءِ ہنگامی دیوان ءَ پد جاری کتگیں یکجائی بیاناں اسلام آباد ءِ وت کُش اُرش ءِ مذمت کتگ، ناشرکاری ءِ ھلاپ ءَ پاکستانی فوج ءُ ریاست ءِ گوما سرجمیں یکوئی ءِ درشان

اسلام آباد۔9فروری  (اے پی پی): علما ءُ مشائخ   کونسل ءِ ہنگامی دیوان وفاقی وزیر مذہبی امور ءُ بین المذاہب ہم آہنگی سردار محمد یوسف ءِ سروکی ءَ برجم دارگ بوت، ایشی ءِ تہا آہاں اسلام آباد ءِ وت کُش اُرش ءِ سک باز مذمت کت ءُ پاکستانی فوج ءِ ھلاپ ءَ سرجمیں یکوئی ءِ درشانی کت۔ دیوان ءِ بہر زوروکاں رمضان ءِ پاکیں ماہ ءِ آیگ ءِ درگت ءَ راج ءَ را صبر، تقویٰ ءُ یکے دومی ءِ ہمدردی ءِ پیغام دات ءُ منبر ءُ محراب ءِ وسیلگ ءَ الس ءِ نیام ءَ ہم آہنگی ءُ اخلاقی تعلیم ءِ دیمروئی ءِ لوٹ کت تنکہ دژمن ءِ تپاوت پیداک کنگ ءِ ہر سازش ءَ را ناکام کنگ بہ بیت۔ دیوان ءِ یکجائی بیان ءِ تہ ءَ اسلام آباد ءَ جمعہ ءِ نماز ءِ وھد ءَ وت کُشیں اُرش ءَ را سک مذمت کنگ بوتگ ءُ اے گپ پدر کنگ بوتگ کہ عبادت جاھاں بے گناہیں نمازیاں نشانگ جوڑ کنگ اسلامی تعلیمات ءُ اخلاقی ءُ اخلاقی رہبندانی سرجمیں ھلاپ اِنت۔ دیوان ءَ فتنہ الخریج ءِ گمراہ کنوکیں سوچ ءُ ناشرکاری ءِ درستیں چال آناں سرجمی ءَ رد کتگ ءُ پاکستان ءِ امن ءَ را تاوان دیوکیں تہی ءُ درائیں سازش آنی ھلاپ ءَ زبردستی ءَ گوں جنگ ءِ جزم کنگ بوتگ۔ عالم ءُ مشیخاں وتی وعظ ءُ مدرسہ ءِ وسیلگ ءَ امن، رواداری ءُ یکے دومی ءِ احترام ءِ پیغام ءِ شنگ ءُ تالان کنگ ءُ ورنا نسل ءَ را انتہا پسندی ءَ چہ رکھینگ ءِ تہا موثر کرد پیلو کنگ ءِ وعدہ کتگ۔ مسیت، اممبرگاہ ءُ اے دگہ عبادت جاہ آنی ایمنی ءَ را گیش موثر جوڑ کنگ ءِ واستہ انتظامی ءُ انتظامی کمیٹی آنی نیام ءَ ہمگرنچی ءَ را مھکم کنگ ءُ مشکوکیں کار آنی وھد ءُ پاس ءِ سر ءَ ھال دیگ ءِ سر ءَ تپاک کنگ بوت۔ ناشرکاری ءِ سرجمیں ھلاس کنگ ءِ ھاترا سرکار ءِ "صفر برداشت ءِ پالیسی” ءِ سرجمیں حمایت کنگ بوتگ ءُ لوٹ کنگ بوتگ کہ زمہ واریں عناصر ءَ را کانود ءِ رد ءَ سکیں سزا دیگ بہ بیت ءُ شھید آنی کھول ءِ کمک ءَ را اولیت دیگ بہ بیت۔ سرجمیں ملک ءَ یک وڑیں نماز ءِ وھد (نظام صلاح) ءِ نفاذ ءِ ھاتر ءَ علماءِ کمک ءِ ستا کنگ بوت ءُ اے نظام ءِ گیش موثریں رنگ ءَ نفاذ ءِ پیسلہ کنگ بوت۔ دراہیں مکتب فکر ءِ زانتکاراں مذہبی رہشونی ءُ یکے دومی ءِ کمک ءِ وسیلگ ءَ فرقہ وارانہ ءُ نفرت ءِ سبب جوڑ کنوکاں ناکام کنگ ءَ پاکستان ءَ امن ءُ ایمنی ءِ مھکم کنگ ءِ وتی جزم ءِ پدا زور دات۔ دیوان ءِ گڈسرا یکمشتی رنگ ءَ اے گپ ءِ جار جنگ بوت کہ سرجمیں راج ، زانتکار ءُ مشاہیخ پاکستان ءِ سرکار ءُ پاکستانی سلاھبند ءِ گوما شانک ماں شانک ءَ اوشتاتگ ءُ ناشرکاری ءِ وبا ءِ چیر ءَ کشگ ءِ ھاترا جزمیگ اَنت۔