حکومتی اصلاحات ءِ مول ءُ مراد لس مردم ءِ زندمان ءَ آسراتی آرگ انت، موسمیاتی بدلی ءُ چاگردی ہم آہنگی ءِ وفاقی وزیر پاکستان اصلاحات رپورٹ 2025 ءِ بندات ءِ مراگش ءَ گوں تران کنان ءَ انت

اسلام آباد۔9فروری  (اے پی پی): موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ گشتگ کہ مزن وزیر ءِ وژن ءِ رد ءَ سرکاری ادارگ آنی تہ ءَ انقلابی بدلی آرگ بوھگ ءَ انت، سرکاری اصلاحات آنی مول ءُ مراد لس مردم ءِ زندمان ءَ آسراتی آرگ    بجلی ءِ شعبہ ءِ تہا اصلاحات ءِ ھاتر ءَ وفاقی حکومت ءِ 100 درسد فائل یک ءُ نیم سال ءِ تہا ڈی لنک کنگ بوتگ انت، نوں ڈی لنک بوتگیں نظام ءَ کس وتی دیم ءَ شُت نہ کنت۔ اے ھیالانی درشانی آئی ئَ پاکستان اصلاحات رپوٹ 2026 ئِ بنگیج ئِ مراگش ئَ گوں بنجاھی ھوٹل ئَ گشتانک ئِ ساھت ئَ کت۔ وفاقی وزیر ءَ گوشت کہ یک سال ءِ تہ ءَ 650 ءَ چہ گیش اصلاحات ءِ سر ءَ عمل کنگ بوتگ، وھدیکہ گوستگیں سال ءَ 620 اصلاحات ءِ سر ءَ عمل کنگ بوتگ۔ بیوروکریٹک نظام ءِ تہا شفافیں بدلی ناگزیر انت دانکہ مہلوک ہچ وڑیں جیڑہ ءِ آماچ مہ بیت۔ ڈیٹا ریفارم ءِ مول ءُ مراد ایش انت کہ الس ءَ را سروسز ءِ رسگ ءَ آسانی بہ بیت۔ اصلاحات ءِ مول ءُ مراد شہری آناں کارگس ءُ بس سٹاپ آنی سر ءَ بند بوھگ ءَ چہ رکّینگ اِنت۔ اے اصول ءَ را ھیال ءَ دارگ ءَ پشکر کا گک اصلاحات ءِ ایجنڈا تیار کنگ بیت۔ مالیاتی ادارگ آنی گوما قانونی، رھبند، ایمنی، چاگردی، انسانی ھک، آب و ہوا ءُ دود ءُ ربیدگ ءِ ادارگ آنی تہ ءَ اصلاحات کنگ بوھگ ءَ انت۔ آئی ءَ گوشت کہ وفاقی حکومت ءِ فائل آنی تہ ءَ 100درسد ڈیجیٹل کنگ بوتگ، فائل ءِ ھلاس کنگ ءِ وھد ءَ ڈیجیٹل فٹ پرنٹ مانیت، بجلی ءُ توان ءِ شوبگ ءَ گیشتریں اصلاحات کنگ بوتگ، توانائی ءِ شوبگ ءَ 118اصلاحات کنگ بوتگ، صنعت ءِ واستہ ٹیرف آنی تہ ءَ کمی کار ءِ براہ راست فائدگ ءِ واستہ اِنت۔ وفاقی وزیر ءَ گوشت کہ ورنا آناں 12600 انٹرنیشنل اسٹینڈرڈ سرٹیفکیٹ جادی کنگ بوتگ، اے سرٹیفکیٹ سرجمیں ملک ءَ ورنا آناں وتی گس ءِ دپ ءَ دست کپ اَنت، ڈیٹا سیم سر آنی تہ ءَ چہ پاک اِنت۔ آئی ءَ گوشت کہ اے سال ءَ ٹیرف ریفارم ءِ نوکیں گامگیج دیم ءَ آرگ بنت، ریگولیٹری ڈیوٹی کم کنگ بوتگ، پنچ سال ءِ تہ ءَ سرجمیں ڈیوٹی مرحلہ وار رنگ ءَ کم کنگ بنت۔ آئی ءَ گوشت کہ بجلی ءِ شوبگ ءِ اصلاحات ءَ چہ سرکلر ڈیبٹ ءِ لوٹ 1.25 کھرب کلدار کم بوتگ، کارخانہ ءِ بجلی ءِ بل کارکن آنی کلیں پگار ءَ چہ گیش بوتگ، اے ھما اصلاحات اَنت کہ یک شہری ءِ یکیں لائن ءَ چہ بندات بنت، افسر کہ یک فائل ءِ سر ءَ دیر کنت آ دگہ ھچ وڑیں مردم ءَ چہ رکگ ءِ وس ءَ نہ کنت۔ ڈیٹا فائل ءِ بدل کنگ ءِ کوشست ءَ چہ راہداریانی تہا فائلانی فوٹو کاپی ءُ بدل کنگ ءِ عمل سرجم ءَ ھلاس بوتگ۔ آئی ءَ گوشت کہ آن لائن سسٹم ءِ وسیلگ ءَ شہری آناں سفر ءُ کاگد ءِ کار ءَ چہ رکھینگ بوھگ ءَ انت۔