وزیراعلیٰ بلوچستان نا کمکار سیاسی و میڈیا امور شاہد رند نا ٹریفک شکست اٹی سینئر صحافی عزیز لاسی نا زوال کننگ آ است ہسونی نا درشان

کوئٹہ۔ 09 فروری (اے پی پی) وزیراعلیٰ بلوچستان نا کمکار سیاسی و میڈیا امور شاہد رند وندر نا خڑک پیش بروک آ است ہسون ٹریفک شکست اٹی لسبیلہ پریس کلب نا جنرل سیکرٹری ، سینئر صحافی عزیز لاسی نا زوال کننگ آ ڈکھیائی و است ہسونی نا درشانی ءِ کرینے۔ کمکار وزیراعلیٰ ایماندار عزیز لاسی ءِ اسہ زموار، بااصول و متحرک صحافی اس گوندسا پارینے کہ او صحافتی برادری کن اسہ نہادی ءُ میرات اس ئس، اونا کسبی خذمت آتے مدام یات تخنگک، اوناناگہانی کزیت آن نئے بیرہ لسبیلہ بلکن مچ آ صوبہ نا صحافی برادری اسہ مخلص توار اسے آن محروم مسنے۔ شاہد رند دعاکرے کہ اللہ تعالیٰ ایماندار ءِ جنت اٹ بڑزکو ہند اس عطاکے و خاہوت ءِ صبر وجمیل ایتے۔